كۋبانىڭ ۇلتتىق تەلەارناسىندا قازاقستاندىق ءانشىنىڭ ءانى بەرىلدى

نۇر-سۇلتان. قازاقپارات - 29-قىركۇيەك كۇنى قازاقستاندىق ءانشى ديماش قۇدايبەرگەننىڭ ءانى كۋبانىڭ ۇلتتىق تەلەارناسىنىڭ «De La Gran Escena» («ۇلى ساحنادا») باعدارلاماسىندا قوسىلدى، دەپ حابارلايدى قازاقپارات Dimashnews.com-عا سىلتەمە جاساپ.

قازاقستاندىق ءانشىنىڭ «Olimpico» ءانى Cubavisión ۇلتتىق تەلەارناسىندا «La mْsica, ese placer» («مۋزىكا - بۇل ءلاززات») ءبولىمىن اياقتادى.

العاش رەت «De La Gran Escena» («ۇلى ساحنادا») باعدارلاماسى ەفيرگە 1985 -جىلى شىققان. وندا ءار ۋاقىتتاعى تانىمال كۋبالىق جانە الەمدىك مۋزىكا تۋىندىلارى كورسەتىلەدى. باعدارلامانى تەلەارنانىڭ ەڭ بەلگىلى جۋرناليستەرى جۇرگىزەدى.

«ءبىز كۋبالىق Dears-قا العىس ايتامىز! ولار تەلەارناعا حابارلاسىپ، سۇيىكتى ارتىستەرىن كورسەتۋىن سۇرادى. وسىنىڭ ارقاسىندا تاعى كوپ ادام ديماشتىڭ شىعارماشىلىعىمەن تانىسادى»، - دەدى وزدەرىنىڭ Instagram-اككاۋنتىندا ءارتىستىڭ كۋبالىق تىڭدارماندارى.

ديماش قۇدايبەرگەننىڭ قىتايعا قايتىپ ورالعانى حابارلانعان بولاتىن.

اۆتور: ءبيبىحان سەرىكوۆا