جاسى قارتتىقا جەتكەن الماتىلىقتار قوعامدىق كولىكتە تەگىن جۇرەتىن بولدى
بۇل تۋرالى بريفينگ بارىسىندا قالالىق الەۋمەتتىك ءال-اۋقات باسقارماسى باسشىسىنىڭ ورىنباسارى مىندەتىن اتقارۋشى جانىبەك قاراتايەۆ ءمالىم ەتتى، دەپ حابارلايدى قازاقپارات ءتىلشىسى.
ونىڭ ايتۋىنشا مەگاپوليستە 200 دەن استام زەينەتكەر «شىڭعا ورلەۋ» الەۋمەتتىك كلۋبتارىندا اۆتورلىق ساباقتار وتكىزەدى.
«ەگدە جاستاعى ەرىكتىلەر اراسىندا ءومىر بويى جۇمىس ىستەپ جۇرگەندەر دە از ەمەس. سوندىقتان 2020 -جىلى قالا اكىمى باقىتجان ساعىنتايەۆتىڭ باستاماسى بويىنشا «شىڭعا ورلەۋ» الەۋمەتتىك كلۋبى» جوباسى ىسكە قوسىلدى. ماقساتى - تۇرمىسى تومەن جانە كوپبالالى وتباسىلاردان شىققان تومەنگى سىنىپ وقۋشىلارى مەن ەرەكشە قاجەتتىلىگى بار بالالارعا ومىرلىك تاجىريبەسىن، ءبىلىمى مەن داعدىلارىن بەرۋ ءۇشىن اعا بۋىن مەن مۇگەدەك ادامداردى قوعامدىق ومىرگە تارتۋ»، - دەيدى جانىبەك قاراتايەۆ.
قالا اكىمىنىڭ تاپسىرماسى بويىنشا جانە «شەتسىز قالا» باعدارلاماسى اياسىندا كلۋب الماتىنىڭ ءار اۋدانىندا اشىلدى. بۇگىنگى تاڭدا 11 «شىڭعا ورلەۋ» الەۋمەتتىك كلۋبى جۇمىس ىستەيدى. «وندا زەينەتكەرلەر مەن مۇگەدەكتىگى بار ادامدار قاتارىنان 203 پەداگوگ جۇمىس ىستەيدى.
ولار باستاۋىش مەكتەپتىڭ نەگىزگى جالپى ءبىلىم بەرەتىن پاندەرى بويىنشا اۆتورلىق ساباقتار (ماتەماتيكا، قازاق ءتىلى، ورىس ءتىلى، اعىلشىن ءتىلى، IT- تەحنولوگيا)، سونداي-اق قوسىمشا ءبىلىم بەرۋدىڭ شىعارماشىلىق جانە سپورتتىق ساباقتارى (شاحمات، قولونەر، حورەوگرافيا، مۋزىكا، اكتەرلىك شەبەرلىك) ۇسىنادى. 9 ايدىڭ قورىتىندىسى بويىنشا 2,2 مىڭعا جۋىق بالا وقىتۋدان ءوتتى»، - دەدى سپيكەر.
سونىمەن قاتار، ول الماتىدا جالعىز باستى زەينەتكەرلەر، مۇگەدەكتەر، جانە ەگدە جاستاعى وتباسىلىق جۇپتار ءۇشىن الەۋمەتتىك تۇرعىن ءۇي جۇمىس ىستەيتىنىن، قازىرگى ۋاقىتتا وندا 51 ادام تۇراتىنىن ايتتى. سونداي-اق، «شاڭىراق» الەۋمەتتىك قىزمەتتەر ورتالىعى، بۇرىنعى ارداگەرلەر ءۇيى جۇمىس ىستەيدى، وندا 288 ادام قامتىلعان. سونىمەن قاتار، اۋداندىق اكىمدىكتەر جانىندا الەۋمەتتىك قىزمەتكەرلەر جالعىز تۇراتىن زەينەتكەرلەر مەن مۇگەدەكتەرگە قىزمەت كورسەتەدى. بارلىعى 2773 قارت ادامعا كۇتىم كورسەتىلەدى.
«الماتىدا جاسى بويىنشا زەينەتكەرلەرگە جول اقىسىنا %50 جەڭىلدىك بەرىلەدى، ال 75 جاستان اسقان تۇرعىندار قالالىق قوعامدىق كولىكتە تەگىن جۇرەدى»، - دەدى باسقارما وكىلى.
اۆتور: الما مۇقانوۆا
