الماتىدا جولدا تريۋك جاساعان اكروبات جۇرگىزۋشى جازالاندى - ۆيدەو

نۇر-سۇلتان. قازاقپارات - الماتىدا جولدا ۆيدەو ءۇشىن تريۋك جاساعان اكروبات جۇرگىزۋشىگە ايىپپۇل سالىندى.

الەۋمەتتىك جەلىلەردە ەر ادام اكروباتيكالىق تريۋك جاساعان ۆيدەو تارادى. ۆيدەودا ول ءجۇرىپ بارا جاتقان كولىكتەن شىعىپ، سالتو جاساپ، قايتادان رولگە وتىرادى.

پوليتسيا جۇرگىزۋشىنىڭ كىم ەكەنىن انىقتادى. ول - 27 جاستاعى قالا تۇرعىنى. جۇرگىزۋشى قىلمىستىق جاۋاپكەرشىلىككە تارتىلعان.

«جاقىندا Instagram قولدانۋشىلارى وسى ۆيدەوعا ءبىزدى بەلگىلەدى. ءبىز تەكسەرىپ، قۇقىقبۇزۋشىنى انىقتادىق. ول اكىمشىلىك كودەكستىڭ 590-بابى 2-بولىگى مەن 593-بابى 2-بولىگىمەن اكىمشىلىك جاۋاپكەرشىلىككە تارتىلدى. كولىك ماركاسى Toyota 4Runner، GRNZ 509 JRA 02»، - دەدى الماتى قالاسى پوليتسيا دەپارتامەنتى باستىعىنىڭ ورىنباسارى رۇستەم ابدراحمانوۆ.