نۇر-سۇلتاندا جول-كولىك وقيعالارى جيىلەدى
بۇل تۋرالى قالالىق پوليتسيا دەپارتامەنتى ءمالىم ەتتى.
ءتارتىپ ساقشىلارىنىڭ ايتۋىنشا، كەيىنگى تاۋلىكتە ەلوردادا 91 جول-كولىك وقيعاسى تىركەلگەن.
پوليتسيا جۇرگىزۋشىلەردەن اۆتوكولىكتى باسقارۋ كەزىندە مۇمكىندىگىنشە مۇقيات بولۋدى جانە اباي بولۋدى، اۋا رايى جاعدايىن ەسكەرە وتىرىپ، جىلدامدىقتى، قاۋىپسىز اراقاشىقتىقتى جانە مانەۆر جاساۋ ەرەجەلەرىن قاتاڭ ساقتاۋدى سۇرايدى.
«جۇرگىزۋشىلەر ءۇشىن ەڭ قاۋىپتىسى دىمقىل اسفالت. جول جامىلعىسى تايعاق، ونىڭ ۇسىتىنە تۇنگى اياز باستالدى. بۇل جاعدايلار كولىكتەردىڭ تەجەۋ قاشىقتىعىنىڭ ارتۋىنا ىقپال ەتەدى. سوندىقتان كەنەتتەن مانەۆر جاساۋدان جانە توقتاۋدان اۋلاق بولۋ كەرەك. جاڭبىر جولدا كورۋ مۇمكىندىگىن ازايتادى. سونىمەن قاتار، اۋا رايىنىڭ قولايسىزدىعىندا جاياۋ جۇرگىنشىلەر جاقىنداپ كەلە جاتقان كولىكتەردى كورمەيدى، ولاردىڭ ارەكەتتەرى كەيدە كۇتپەگەن جەردەن بولادى»، - دەدى دەپارتامەنت وكىلى.
سونىمەن قاتار، جۇرگىزۋشىلەردەن جىلدامدىقتى تومەندەتىپ، جاياۋ جۇرگىنشىلەر وتپەس بۇرىن اسا ساق بولۋدى سۇرالدى.
