بەيجىڭدەگى قىسقى وليمپيادا ويىندارى كورەرمەنسىز وتەدى

بەيجىڭ. قازاقپارات - بەيجىڭدەگى قىسقى وليمپيادا ويىندارى اياسىنداعى جارىس بيلەتتەرى قۇرلىقتاعى قىتايدا تۇراتىن جانكۇيەرلەر اراسىندا ساتىلادى، دەپ حابارلايدى قازاقپارات حالىقارالىق وليمپيادا كوميتەتىنىڭ (ح و ك) سايتىنا سىلتەمە جاساپ.

قىسقى وليمپيادا اياسىنداعى جارىستى كورگىسى كەلەتىندەر كوۆيدكە قارسى حاتتامالارعا سايكەس بولۋى ءتيىس. بيلەتتەردى ساتۋ ماسەلەسى تالقىلاۋ جانە وڭدەۋ ساتىسىندا، ولار تۋرالى اقپارات كەيىنىرەك جاريالانادى.

بەيجىڭ قالاسىنداعى 2022 -جىلعى وليمپيادانىڭ كوروناۆيرۋسقا قارسى ۆاكسينالاۋدىڭ تولىق كۋرسىن وتكەن بارلىق سپورتشىلارى مەن قاتىسۋشىلارى بەيجىڭگە كەلگەن سوڭ جابىق سيكل جۇيەسىندە ورنالاسادى. ال ۆاكسينا الماعان سپورتشىلار قىتاي استاناسىنا كەلگەن سوڭ 21 كۇندىك كارانتينگە جاتقىزىلادى. ۆاكسينا الماعان اتلەتتەر ۆاكسينالاۋدان باس تارتۋدىڭ مەديتسينالىق نەگىزدەمەسىن ۇسىنسا، ولاردىڭ ءىسى بولەك قارالادى.

بەيجىڭگە كەلىپ جەتەتىن بارلىق قاتىسۋشىلار (سپورتشىلار مەن اتلەتتەرمەن وليمپيادا اۋىلدارىندا بىرگە ەرىپ جۇرگەن دەلەگاتسيانىڭ كەيبىر تۇلعالارىنان باسقا) ۇيىمداستىرۋشىلار بەلگىلەگەن كوۆيدكە قارسى شارالارعا سايكەس كەلەتىن قوناقۇيلەردە تۇرادى. ويىنداردىڭ بارلىق قاتىسۋشىلارى مەن قىزمەتكەرلەرىنەن كۇن سايىن كوروناۆيرۋسقا قارسى تەست الىنادى.

بەيجىڭدەگى قىسقى وليمپيادا ويىندارى 2022 -جىلدىڭ 4-22-اقپان كۇندەرى، ال پاراليمپيادا ويىندارى - 4-13-ناۋرىزدا وتەدى.

رۋسلان سۇلەيمەنوۆ