قىتايدا ەلەكتر جارىعى ءوشتى

نۇر-سۇلتان.قازاقپارات - قىتايدىڭ سولتۇستىك- شىعىسىندا ەلەكتر ەنەرگياسى ءسونىپ، ميلليونداعان ءۇي قاراڭعىلىق قۇشاعىندا قالدى. زاۋىتتاردىڭ جۇمىسى توقتادى.

Global Times گازەتىنىڭ حابارلاۋىنشا، تجيلين، لياونيڭ جانە حيلۋڭجيانڭ پروۆينتسيالارىندا ەلەكتر ەنەرگياسىن بەرۋ كۇتپەگەن جەردەن ۇزىلگەن.

جارىقتىڭ ءسونۋى كومىر تاپشىلىعىنا بايلانىستى بولعان. ونىڭ ۇستىنە، جەرگىلىكتى بيلىك ەشكىمگە ەسكەرتۋ جاساماعان. كەيبىر جەردە باعدارشام جانباي، ۇيالى تەلەفون جۇيەسى دە ىستەن شىققان.

جيليندەگى كوممۋنالدىق كاسىپورىننىڭ حابارلاۋىنشا، ەلەكتر قۋاتىنىڭ جەتىسپەۋى كەز كەلگەن ۋاقىتتا سۋ بەرۋگە كەدەرگى كەلتىرۋى مۇمكىن. CCTV مەملەكەتتىك تەلەارناسى لياونيڭ قالاسىنداعى فابريكادا جارىق سونگەننەن كەيىن جۇمىسشىلار كومىرقىشقىل گازىنان ۋلانىپ، 23 ادام اۋرۋحاناعا جەتكىزىلگەنىن حابارلادى.

ەلەكتر ەنەرگياسىنىڭ جەتىسپەۋى ەلدەگى ونەركاسىپتىك وندىرىسكە اسەر ەتىپ، زاۋىتتاردىڭ جۇمىسىن توقتاتىپ تاستادى. ولاردىڭ قاتارىندا Apple مەن Tesla سەكىلدى ايگىلى كومپانيالار دا بار.

egemen.kz