تۇمان، كوكتايعاق: نۇر-سۇلتاندا اۋا رايىنا بايلانىستى ەسكەرتۋ جاريالاندى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى ەرتەڭ نۇر- سۇلتاندا ەسكەرتۋ جاريالاندى، دەپ حابارلايدى قازاقپارات.

نۇر- سۇلتان قالالىق توتەنشە جاعدايلار دەپارتامەنتى «قازگيدرومەت» ر م ك دەرەكتەرى بويىنشا استانادا 30-قىركۇيەكتە تۇمان جانە كوكتايعاق بولاتىنىن ءمالىم ەتتى. وسىعان بايلانىستى دەپارتامەنت قالا تۇرعىندارى مەن قوناقتارىنا قاۋىپسىزدىك تالاپتارىن ەسكە سالدى.

قۇلاۋ ىقتيمالدىعىن ازايتۋ ءۇشىن كوكتايعاق كەزىندە مىنا ەرەجەلەردى ساقتاۋ قاجەت:

- بيىك وكشەدەن باس تارتىپ، جاي تابانى بار تايعانامايتىن اياق كيىمدى تاڭداڭىز؛

- كولبەۋ بەتى بار بارلىق جەرلەردى اينالىپ وتۋگە تىرىسىڭىز؛

- مۇمكىندىگىنشە قولدارىڭىز بوس بولۋى كەرەك، اۋىر سومكەلەردى الىپ جۇرمەۋگە تىرىسىڭىز، قولىڭىزدى قالتاڭىزدا ۇستاماڭىز- بۇل قۇلاۋ مۇمكىندىگىن ارتتىرادى؛

- اياق استىنا مۇقيات قاراڭىز، قاۋىپتى جەرلەردى اينالىپ وتۋگە تىرىسىڭىز. ەگەر دە مۇزدى «شالشىقتى» اينالىپ ءوتۋ مۇمكىن بولماسا، وندا ونىڭ ۇستىنەن جەڭىل ادىممەن ءجۇرىڭىز؛

- جولدان ءوتۋ كەزىندە اسىقپاڭىز، جۇگىرىپ وتپەڭىز، ساقتىق شارالارىن ساقتاڭىز. ەستەرىڭىزدە بولسىن، ارقامەن، بەتپەن قۇلاۋ وتە قاۋىپتى، باستان زاقىم الۋىڭىز مۇمكىن. زارداپ شەكسەڭىز مىندەتتى تۇردە دارىگەرگە جۇگىنىپ، العاشقى مەديتسينالىق كومەك الىڭىز.

تۇمان بولعان جاعدايدا:

- جۇرگىزۋشىلەر قاتتى تەجەۋدەن اۋلاق بولۋ كەرەك. ەگەر ءسىز ءالى دە جولعا شىعۋىڭىز كەرەك بولسا، تۇمان ايماعىندا جىلدامدىقتى ەداۋىر تومەندەتۋ كەرەك، ال ەگەر جولداعى كورىنۋ ەكى مەتردەن اسپاسا، قوزعالىستى توقتاتىپ، توقتاۋ ۇسىنىلادى. سونداي — اق مىندەتتى تۇردە گاباريتتىك وتتاردى قوسۋ جانە كەنەتتەن مانيەۆرلەر- باسىپ وزۋلاردان اۋلاق بولۋ قاجەت.

- جاياۋ جۇرگىنشىلەر جولدى بەلگىلەنگەن جاياۋ جۇرگىنشىلەر وتەتىن جەردە عانا وتكەن ءجون؛

- ساق بولىڭىز، اۋا رايىنىڭ وزگەرۋى جانە ەنگىزىلگەن شەكتەۋلەر تۋرالى اقپاراتتى قاداعالاڭىز؛ توتەنشە جاعداي تۋىنداعان جاعدايدا «112» نومىرىنە قوڭىراۋ شالىڭىز.