تۇرسىنباي قۇلاحمەتتىڭ كەلەسى كەزدەسۋى قايدا وتەتىنىن انىقتالدى

نۇر-سۇلتان. قازاقپارات - جەڭىلىستىڭ كەرمەك ءدامىن تاتپاعان قازاقستاندىق كاسىپقوي بوكسشى تۇسىنباي قۇلاحمەتتىڭ (4-0، 3 ك و) كەلەسى كەزدەسۋى قايدا وتەتىنى بەلگىلى بولدى، دەپ حابارلايدى Vesti.kz پورتالى.

دەرەككوزدىڭ حابارلاۋىنشا، قازاقستاندىق بوكسشى كەلەسى كەزدەسۋىن الداعى ايدا ۇلى بريتانيادا وتكىزۋى مۇمكىن.

قازىرگى ۋاقىتتا قۇلاحمەت مانچەستەر (انگليا) قالاسىندا الداعى ايقاسىنا دايىندىق وتكىزۋدە. جۋىردا ول ءبىرىنشى جارتىلاي ورتا سالماقتا الەمنىڭ ابسوليۋتتى چەمپيونى دجوش تەيلورمەن (18-0، 13 ك و) كەزدەسۋ وتكىزەتىن اعىلشىندىق دجەك كەتتەروللمەن (25-0، 13 ك و) جاتتىعۋ جاسادى.

ەسكە سالايىق، تۇرسىنباي سوڭعى رەت شارشى الاڭعا 10- شىلدە كۇنى الماتى قالاسىندا شىعىپ، ونىنشى راۋندتا تەحنيكالىق نوكاۋتپەن رەسەيلىك الەكسەي ەۆچەنكونى (19-15، 8 ك و) جەڭدى.

بۇل كەزدەسۋدە قۇلاحمەت وزىنە تيەسىلى WBC International بەلبەۋىن قورعاپ قالدى.