باتىس ەۋروپاداعى ەڭ بيىك تاۋ ءبىر مەترگە تومەندەدى

پاريج. قازاقپارات - باتىس ەۋروپاداعى ەڭ بيىك تاۋ مونبلان ءتورت جىل ىشىندە ءبىر مەترگە تومەندەدى، دەپ حابارلايدى قازاقپارات France Bleu راديوستانسياسىنا سىلتەمە جاساپ.

راديوستانسيا كەلتىرگەن گەودەزيستەردىڭ بايانداماسىنا سايكەس، قازىرگى ۋاقىتتا تاۋدىڭ بيىكتىگى 4807,81 مەتردى قۇرايدى، ال 2017-جىلى مونبلاننىڭ بيىكتىگى 4808,72 م بولعان.

«باتىس ەۋروپانىڭ توبەسى وسىلايشا 4 جىل ىشىندە ءبىر مەترگە تومەندەدى»، - دەپ اتاپ وتكەن راديوستانتسيا.

France Bleu ناقتىلاعانداي، گەودەزيالىق ەكسپەديتسيا 16-18- قىركۇيەك ارالىعىندا وتكەن.

ماماندار تاۋدىڭ بيىكتىگىنىڭ وزگەرۋى ونىڭ جوعارى جاعىنداعى قار جامىلعىسىنىڭ ازايۋىنا بايلانىستى دەپ تۇسىندىرەدى.