ترانزيتتىك كولىكتەر ديزەل وتىنىن ساتىپ الۋ كولەمىن ارتتىردى - اسەت ماعاۋوۆ

نۇر- سۇلتان. قازاقپارات - ق ر ەنەرگەتيكا ۆيتسە- ءمينيسترى اسەت ماعاۋوۆ ەلىمىزدەگى ديزەل وتىنى نارىعىنداعى جاعدايعا تۇسىنىك بەردى، دەپ حابارلايدى قازاقپارات ءتىلشىسى.

«بيىل ديزەل وتىنىن ءوندىرۋ كولەمى 4,9 ميلليون توننانى قۇرايدى، بۇل 2015 -جىلدان بەرگى ەڭ جوعارى كورسەتكىش. كورىپ وتىرعاندارىڭىزداي، ديناميكا بويىنشا ءبىزدىڭ مۇناي وڭدەۋ زاۋىتتارىمىزداعى ءوندىرىس تۇراقتى تۇردە ءوسىپ كەلەدى. جالپى، بيىلعى 5 ايىندا تۇتىنۋ مامىر مەن قىركۇيەك ارالىعىندا 2020 -جىلدىڭ سايكەس كەزەڭىمەن سالىستىرعاندا 480 مىڭ تونناعا جانە 2019 -جىلدىڭ سايكەس كەزەڭىمەن سالىستىرعاندا 246 مىڭ تونناعا جوعارى بولدى»، - دەدى ءا. ماعاۋوۆ ورتالىق كوممۋنياتسيالار قىزمەتىندە.

ونىڭ ايتۋىنشا، ەلىمىزدەگى بولشەك ساۋدا باعاسى كورشى ەلدەرگە قاراعاندا ايتارلىقتاي تومەن، بۇل تۇرعىدا ترانزيتتىك كولىكتەر ديزەل وتىنىن ساتىپ الۋى كولەمىن ارتتىرعان. سونىمەن قاتار ۆيتسە- مينيستر قازىرگى ۋاقىتتا رەسەيمەن سالىستىرعاندا، كوتەرمە باعانىڭ ايىرماشىلىعى تونناسىنا 80-90 مىڭ تەڭگەنى قۇرايتىنىن جەتكىزدى. رەسەيدە جانار- جاعارمايدىڭ كوتەرمە باعاسى الەمدىك مۇناي باعاسىنىڭ كوتەرىلۋىمەن بىرگە ءوستى. ال قازاقستاندا وسى كەزدە بۇل باعالار ازداپ قانا وزگەرىپ وتىردى.

اۆتور: رۋسلان عابباسوۆ