ءبىرىنشى سىنىپقا ارنالعان تاپسىرما داۋىنا قاتىستى مينيسترلىك تۇسىنىكتەمە بەردى
«ب ا ق پەن الەۋمەتتىك جەلىلەردە تالقىلانىپ جاتقان قازاق تىلىندە ءبىلىم بەرەتىن مەكتەپتەردىڭ 1-سىنىپ وقۋشىلارىنا ارنالعان «مەنىڭ التىن جازۋ ۇلگىم» اتتى جازۋ داپتەرلەرى «8 جانە 8» باسپاسىندا جارىق كوردى، اۆتورى س. ۆ. تروفيموۆا. بۇل داپتەر ورتا ءبىلىم بەرۋ ۇيىمدارى ءۇشىن بەكىتىلگەن وقۋلىقتار مەن وقۋ- ادىستەمەلىك كەشەندەردىڭ بەكىتىلگەن تىزبەسىنە ەنگىزىلمەگەن. تيىسىنشە، مەملەكەتتىك ساراپتامادان دا وتپەگەن»، - دەلىنگەن حابارلامادا.
مينيسترلىكتىڭ مالىمەتىنشە، مەكتەپ وقۋلىقتارى مەن وقۋ- ادىستەمەلىك كەشەندەر ق ر «ءبىلىم تۋرالى» زاڭىنا سايكەس ساراپتامادان وتەدى.
«وقۋ- ادىستەمەلىك كەشەن دەگەنىمىز - وقۋلىقتى سۇيەمەلدەيتىن، مىندەتتى تالاپتارعا سايكەس ازىرلەنگەن ادىستەمەلىك نۇسقاۋلىق، جۇمىس داپتەرى، حرەستوماتيا، ديكتانتتار جيناعى، تاپسىرمالار مەن جاتتىعۋلار جيناعى، كارتوگرافيالىق اتلاس. اتالعان جازۋ داپتەرى سەكىلدى قوسىمشا وقۋ باسىلىمدارىن، وقۋلىقتاردى، داپتەرلەردى جانە باسقا قوسىمشا ماتەريالداردى تاڭداۋ قۇقىعى ءبىلىم بەرۋ ۇيىمدارىنا بەرىلگەن. مۇنداي جاعدايلاردى بولدىرماۋ ءۇشىن جوعارىدا كورسەتىلگەن ماسەلەلەردى رەتتەۋ مۇمكىندىگى قارالاتىن بولادى»، - دەپ حابارلاندى اتالعان ۆەدومستۆودان.
وسى ورايدا مينيسترلىك بەكىتىلمەگەن باسىلىمدار اشىق ساتالىمدا جانە ول ينتەرنەتتە دە قولجەتىمدى ەكەنىن ەسكەرتەدى.
سونداي-اق، ەلىمىزدە قوسىمشا وقۋلىقتار، ەرتەگى جيناقتارى مەن داپتەرلەردىڭ ارنايى بەكىتىلمەيتىنى ايتىلدى.
ايتا كەتسەك، الەۋمەتتىك جەلىدە 1-سىنىپ وقۋشىلارىنا ارنالعان جازۋ داپتەرىندە «ءول» دەگەن جازۋدىڭ بارى جۇرتشىلىقتىڭ تالقىسىنا ءتۇستى.
