كوروناۆيرۋس تاعى ءبىر ءتۇرلى اۋرۋدىڭ اسقىنۋىنا اكەلەدى
دارىگەردىڭ ايتۋىنشا، كوروناۆيرۋس ورگانيزمدە ءبىرقاتار وزگەرىستەر تۋدىرادى. بۇل جۇرەك- قانتامىر جۇيەسىنە دە اسەر ەتەدى. قان ۇيۋىنىڭ بۇزىلۋى ميكروترومبتاردىڭ پايدا بولۋىنا، ال تامىر قابىرعاسىنىڭ قاتتىلىعىنىڭ وزگەرۋى قان قىسىمىنىڭ جوعارىلاۋىنا اكەلەدى. اسىرەسە جۇرەك پەن قان تامىرلارى اۋرۋلارى بار ادامداردىڭ دەنساۋلىعىنا زيان تيگىزەدى.
«كوروناۆيرۋستى جۇقتىرعان بارلىق ادامدا جۇرەك پەن قان تامىرلارى پروبلەمالارى بولادى دەپ ايتۋعا بولمايدى. تاۋەكەل توبىنداعى ادامدار ءبىرىنشى ورىندا. تاجىريبە كورسەتكەندەي، يشەميالىق اۋرۋ، ارتەريالىق گيپەرتەنزيا سياقتى سوزىلمالى اۋرۋلارى بار، ەندوكريندىك جۇيەنىڭ پروبلەمالارى بار ادامدار - قانت ديابەتى، ارتىق سالماق، قارت ادامداردا ترومب ءتۇزىلۋىنىڭ جوعارىلاۋى بايقالادى. جۇرەكتىڭ يشەميالىق اۋرۋى، تامىرلاردىڭ اتەروسكلەروتيكالىق زاقىمدانۋى بار ەمدەلۋشىلەردە كورونارلىق تامىرلاردىڭ ميكروترومبوزىنا بايلانىستى قايتالاناتىن ينفاركت بولۋى مۇمكىن. سوندىقتان سوزىلمالى اۋرۋلارى بار ناۋقاستارعا اسا ساق بولۋ كەرەك»، - دەيدى كارديولوگ.
سونىمەن قاتار، ول جۇرەكتى نىعايتاتىن ەڭ جاقسى «ۆيتامين» بەلسەندى دەمالىس، دۇرىس تاماقتانۋ، ۇيقى مەن سەرگەكتىك، تۇراقتى دەنە بەلسەندىلىگى: سەرۋەندەۋ، فيزيوتەراپيالىق جاتتىعۋلار، جۇگىرۋ ەكەنىن اتاپ ءوتتى.
اۆتور: الما مۇقانوۆا
