ديماش قۇدايبەرگەن قىتايداعى كينوفەستيۆالدە قىزىل كىلەمدە ءجۇرىپ ءوتتى - ۆيدەو
ءانشى Instagram پاراقشاسىندا الەمدىك شوۋ- بيزنەستەگى جۇمىسىن جالعاستىرۋ ءۇشىن اراعا ەكى جىل سالىپ قىتايعا ورالعانىن ايتتى.
«دۇنيەجۇزىلىك كارانتينگە بايلانىستى بۇل كەزدەسۋدى ەكى جىل كۇتتىك. مەن ءبىر ايعا جۋىق وقشاۋلاندىم. وسى ۋاقىت ىشىندە الدا قىتايداعى ءوز كومانداممەن بىرگە جۇزەگە اسىراتىن ءتۇرلى جوسپارلار دايىندادىم. الدا ءار ءتۇرلى كونتسەرتتەرگە قاتىسامىن. الەمنىڭ بارلىق ەلدەرىندەگى تەلەباعدارلامالاردىڭ قوناعى بولامىن (ەگەر كارانتينگە بايلانىستى كونتسەرتتەر مەن تەلەباعدارلامالاردى تۇسىرۋگە تىيىم سالىنباسا). ءيا، بۇكىل الەمدە بولعان كارانتين مەنىڭ جوسپارىما دا اسەر ەتتى، جانكۇيەرلەرىمدى الدا ءوز جۇمىسىممەن قۋانتاتىن بولامىن»، - دەدى قۇدايبەرگەن ديماش كينوفەستيۆالگە قۇرمەتتى قوناق رەتىندە قاتىستى.
كەش بارىسىندا جانكۇيەرلەرگە قولتاڭبا بەرىپ، ساحنادا Screaming ءانىن ورىندادى. سونداي-اق، قىتايلىق ب ا ق-قا بەرگەن سۇحباتىندا، ەكى جىل ىشىندە قىتايداعى جانكۇيەرلەرىن ساعىنعانىن، ەلگە كەلگەنىنە قۋانىشتى ەكەنىن ايتتى.
