مەملەكەتتىك ءتىلدىڭ قولدانىس اياسى كەڭەيدى

نۇر-سۇلتان.قازاقپارات - مەملەكەتتىك ورگانداردا قازاق ءتىلىن قولدانۋ اياسى كەڭەيدى. بۇل تۋرالى مادەنيەت جانە سپورت مينيسترلىگىنە قاراستى ءتىل ساياساتى كوميتەتىنىڭ ءتوراعاسى ادىلبەك قابا مالىمدەدى.

سىرتقى ىستەر مينيسترلىگىندە وتكەن جيىندا مەملەكەتىك ءتىلدى دامىتۋ جولدارى ءسوز بولدى. قاتىسۋشىلار ەلەكتروندى جۇيەلەردىڭ مەملەكەتتىك ءتىلدىڭ قولدانىس اياسىن كەڭەيتۋدە ءرولى زور ەكەنىن اتاپ ءوتتى.

ادىلبەك قابا قىزمەتكەرلەرگە كۇندەلىكتى جۇمىس ءۇشىن پايدالى ەلەكتروندى رەسۋرستاردى تانىستىرىپ، ۆەدومستۆونىڭ تەرمينولوگيالىق توبىنىڭ قىزمەتىنە وڭ باعاسىن بەردى. جيىندا ايتىلعان ۇسىنىستار ەسكەرىلىپ، ءوزارا ىنتىماقتاستىق جونىندەگى مەموراندۋم جوباسىنا ەنگىزىلەدى.

www.24.kz