اقتوبەدە «باستاۋ بيزنەس» جوباسىنىڭ بەس جىلدىعى قورىتىندىلاندى
اقتوبەدەگى وڭىرلىك كاسىپكەرلەر پالاتاسىندا ىسكەر ايەلدەر كەڭەسىنىڭ قولداۋىمەن «تالىمگەرلىك» باعدارلاماسى باستالدى.
«باستاۋ بيزنەس» جوباسىنىڭ 5 جىلدىعى، «اتامەكەن» ۇ ك پ 8 جىلدىعى شەڭبەرىندە كۋرستىڭ العاشقى 15 تىڭداۋشىسى تالىمگەرگە يە بولدى. ءىس- شارا اياسىندا ءىسىن جاڭا باستاعان كاسىپكەرلەر مەن «باستاۋ بيزنەس» جوباسىنىڭ تۇلەكتەرى وزدەرىنىڭ قول جەتكىزگەن جەتىستىكتەرىن ءبولىستى. اقتوبەلىك ءبيبىنۇر مىرزاباي 21 كۇندىك كۋرستى ونلاين اياقتاپ، ءوزىنىڭ بيزنەس- جوباسىن ءساتتى قورعادى. ءبيبىنۇر مىرزاباي جارتىلاي فابريكاتتار دايىنداپ، ساتىلىمعا شىعارادى.
«باستاۋ بيزنەس» جوباسىنىڭ ون مىڭنان استام تۇلەگى بار. وسى جىلدار ىشىندە 3328 جوباعا قارجىلاي قولداۋ كورسەتىلدى. وسى جىلدان باستاپ بارلىق وڭىردە ميكروقارجى ۇيىمدارى اشىلدى. وندا باستاۋلىقتارعا جىلدىق ۇستەمەاقىسى %6 نەسيە بەرىلەدى»، - دەدى وڭىرلىك كاسىپكەرلەر پالاتاسىنىڭ باسپا ءسوز قىزمەتى.
شارادا ىسكەر ايەلدەر كەڭەسىنىڭ بەلسەندى مۇشەلەرى، و ك پ بيزنەس- ترەنەرلەرى مەن قىزمەتكەرلەرى العىس حاتپەن ماراپاتتالدى.
