16:03, 22 - قىركۇيەك 2021 | GMT +5
قاسىم- جومارت توقايەۆ ش ق و- داعى ەكولوگيالىق ماسەلە بويىنشا تاپسىرما بەردى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ شىعىس قازاقستان وبلىسىنداعى قالجىر وزەنىنە قاتىستى ماسەلە بويىنشا تاپسىرما بەردى، دەپ حابارلايدى قازاقپارات.
«ايقىن» گازەتىنىڭ بۇگىنگى نومىرىنە «قالجىردى كىم لاستاپ جاتىر؟» دەگەن ماقالا جاريالانعان ەدى. وندا شىعىس قازاقستان وبلىسىنداعى قالجىر وزەنىن زاڭسىز التىن وندىرۋشىلەر قاتتى لاستاپ جاتقانى تۋرالى وتە وزەكتى ماسەلە كوتەرىلگەن. وسىعان بايلانىستى مەملەكەت باسشىسى قاسىم- جومارت توقايەۆ ەكولوگيا، گەولوگيا جانە تابيعي رەسۋرستار مينيسترلىگى مەن شىعىس قازاقستان وبلىسىنىڭ اكىمدىگىنە اتالعان پروبلەمانى ەگجەي- تەگجەيلى تەكسەرىپ، كىنالىلەردى جاۋاپكەرشىلىككە تارتۋ تۋرالى تاپسىرما بەردى»، - دەپ جازدى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا.
فوتو: aikyn.kz
