ەلوردادا الەۋمەتتىك نىساندار جىلۋ جۇيەسىنە قوسىلا باستادى

نۇر- سۇلتان. قازاقپارات - ەلوردادا ءوتىنىم بەرگەن مەديتسينالىق مەكەمە، ءبىلىم بەرۋ نىساندارى، بالاباقشا سەكىلدى الەۋمەتتىك نىساندارعا جىلۋ بەرىلە باستادى، دەپ حابارلايدى قازاقپارات قالا اكىمدىگىنە سىلتەمە جاساپ.

ەلوردا اكىمى التاي كولگىنوۆتىڭ باسشىلىعىمەن اكىمدىكتە جىلىتۋ ماۋسىمى بويىنشا كەڭەس ءوتتى. قالادا جىلۋ بەرۋ ماۋسىمى 5 كۇن بويى تاۋلىكتەگى ورتاشا تەمپەراتۋرا +10 گرادۋس (جانە ودان تومەن) بولعان كەزدە كەزدە تولىعىمەن باستالادى. دەگەنمەن، تۇتىنۋشىلاردىڭ ءوتىنىمى بويىنشا جىلۋ بەرۋگە قالانىڭ الەۋمەتتىك نىساندارى قوسىلا باستادى.

بۇدان باسقا، جاڭا نىسانداردى جىلىتۋعا قوسۋ كوزدەرى انىقتالدى، تەكسەرۋ جۇرگىزىلىپ جاتىر. سونداي- اق، ەلدى مەكەندەردى گازداندىرۋ، جىلۋ ەلەكتر ورتالىقتارىن جاڭعىرتۋ، ج ە و سۋ جىلىتۋ قازاندىقتارىن گازعا اۋىستىرۋ جۇمىستارى جۇرگىزىلىپ جاتىر. جەكە سەكتور تۇرعىندارى ءۇشىن قالانىڭ بارلىق اۋدانىندا كومىر ساتاتىن كومپانيالار انىقتالدى.