ق ر اۋىر اتلەتيكا فەدەراتسياسى البەرت ليندەردىڭ قازاسى توڭىرەگىندەگى داۋعا پىكىر ءبىلدىردى
كۇنى كەشە اۋىر اتلەتيكادان قازاقستان قۇراماسىنىڭ بۇرىنعى مۇشەلەرى، ونىڭ ىشىندە قازا تاپقان البەرت ليندەردىڭ اعاسى الەۋمەتتىك جەلىلەردەگى پاراقشالارىندا قۇراما كوماندا باپكەرلەرىنە قاتىستى شاعىمدارى مەن سىندارىن ايتتى.
«ق ر اۋىر اتلەتيكا فەدەراتسياسى بۇل ءىستى باقىلاۋعا الۋعا جانە ءاربىر ايىپتاۋدىڭ ءمان-جايىن انىقتاۋعا نيەتتى. تاياۋ ۋاقىتتا فەدەراتسيا اتلەتتەردىڭ ارقايسىسىمەن بايلانىسادى جانە ىشكى تەكسەرۋ جۇرگىزەدى. قورىتىندىسى قوسىمشا جاريالاناتىن بولادى»، - دەلىنگەن فەدەراتسيا مالىمدەمەسىندە.
ەستەرىڭىزگە سالا كەتسەك، جاس وسپىرىمدەر اراسىنداعى الەم چەمپيونى، ۋنيۆەرسيادا جەڭىمپازى، قازاقستاننىڭ بىرنەشە دۇركىن چەمپيونى زىلتەمىرشى البەرت ليندەر 26 جاسقا قاراعان شاعىندا قايتىس بولدى.
وسىدان كەيىنگى تانىمال اۋىر اتلەت يليا يلين البەرت ليندەردىڭ قايتىس بولۋىنا بايلانىستى پىكىر بىلدىرگەن ەدى.
