الماتىلىق ينفەكسيونيست كوروناۆيرۋستان كەيىن وڭالتۋ شارلارىنىڭ ماڭىزى جايىندا ايتتى
بۇل تۋرالى الماتى قالالىق قوعامدىق دەنساۋلىق باسقارماسىنىڭ №5 قالالىق كلينيكالىق اۋرۋحاناسىنىڭ دارىگەر- ينفەكسيونيسى ولگا انتيپوۆا وڭىرلىك كوممۋنيكاتسيالار قىزمەتىنىڭ باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.
دارىگەردىڭ ايتۋىنشا، كوروناۆيرۋستىڭ سالدارى ءار ءتۇرلى بولۋى مۇمكىن، سوندىقتان ەمدەلىپ شىققاندار تەراپيەۆت دارىگەردىڭ كومەگىنە جۇگىنۋى ءتيىس.
«وڭالتۋ كوروناۆيرۋستىڭ جەڭىل تۇرىمەن اۋىرعاندارعا دا تاعايىندالادى، ءبىراق ول ۇيدە جۇرگىزىلەدى. بۇل - قاراپايىم تىنىس الۋ جاتتىعۋلارى، تازا اۋادا سەرۋەندەۋ، ديەتا. اۋرۋدىڭ ورتاشا جانە اۋىر دارەجەسىنەن كەيىن ناۋقاستار وڭالتۋ بولىمىنە جىبەرىلەدى. مىسالى، ءبىزدىڭ اۋرۋحانادا فيزيوتەراپيا مەن گيمناستيكا جۇرگىزىلەتىن وڭالتۋ ءبولىمى بار» ، - دەدى سپيكەر..
دارىگەر- ينفەكتسيونيست كەۋدە قۋىسىنىڭ تومەنگى بولىگىندە ەلەكتروفورەزدىڭ قابىنۋعا قارسى اسەرى بارىن، كوروناۆيرۋس جۇقتىرعانداردى وڭالتۋ ءۇشىن قولدانىلاتىنىن، سونىمەن قاتار ۆيبرواكۋستيكالىق اپپاراتتىق ماسساج جاسالاتىنىن ايتتى.
«پروتسەدۋرا 5-7 كۇن ىشىندە جۇزەگە اسىرىلادى. سونىمەن قاتار، كوروناۆيرۋستان كەيىن ساناتورلىق- كۋرورتتىق ەم كورسەتىلەدى. №5 قالالىق كلينيكالىق اۋرۋحانانىڭ ەمدەلۋشىلەرى «كامەنسكوە پلاتو» شيپاجايىنا وڭالتۋعا جىبەرىلەدى»، - دەيدى دارىگەر.
بريفينگ بارىسىندا ولگا انتيپوۆا الماتىلىقتاردى سانيتارلىق- ەپيدەميولوگيالىق نورمالاردى ساقتاۋعا جانە جاۋاپكەرشىلىكپەن قاراۋعا شاقىردى، ويتكەنى دەرت وتە قاۋىپتى جانە زالالدارى كوپ.
«ءتىپتى جەڭىل نەمەسە سيمپتومسىز اۋرۋدىڭ دا زالالى بولۋى مۇمكىن. ناۋقاستار %30 ى تەز شاراشايدى، ولاردى ۇيقىسى بۇزىلادى، شامادان تىس تەرلەيدى. اعزادا ۆيرۋس جۇقتىرمايتىن ورگان جوق، ەڭ الدىمەن قان تامىرلارى زاقىمدانادى»، - دەدى ول.
سپيكەردىڭ سوزىنشە، پوستكوۆيدتىك سيندروم ءبىر اپتادان التى ايعا دەيىن سوزىلۋى مۇمكىن. سونىمەن قاتار، ول ەمدەلىپ شىققان بالالارعا دا وڭالتۋ قاجەت ەكەنىن تىلگە تيەك ەتتى.
«2020 -جىلدىڭ قاراشاسىنان باستاپ ءبىزدىڭ اۋرۋحانادا 380 بالا ەمدەلدى. ءبىز اۋىر ناۋقاستاردى كەزدەستىرمەدىك، سوندىقتان پەدياتر تەكسەرگەننەن كەيىن وڭالتۋ ۇيدە ءوتتى. اتا- انالار مەن بالالارعا تىنىس الۋ جاتتىعۋلارىن قالاي جاساۋ كەرەكتىگى ءتۇسىندىرىلدى. دارىگەر- رەابيليتولوگ جاتتىعۋلاردى قالاي جاساۋ كەرەكتىگىن كورسەتەتىن بەينەروليك ءتۇسىردى»، - دەدى ولگا انتيپوۆا.
ءسوزىن قورىتىندىلاعان دارىگەر- ينفەكتسيونيست بارلىق دارىگەرلەردىڭ ەمدەلىپ شىققانداردى وڭالتۋ بويىنشا قاجەتتى جاعدايلاردى تولىق جاسايتىنىن اتاپ ءوتتى.
«كوروناۆيرۋسپەن اۋىراتىن ناۋقاستاردى ەمدەۋ كەزىندە بۇيرەككە، باۋىرعا جانە جۇرەككە اسەر ەتەتىن كۇشتى پرەپاراتتار قولدانىلاتىنىن ەستە ساقتاعان ءجون. وڭالتۋ شارالارىنان سوڭ ناۋقاستاردىڭ دەنساۋلىعى قالپىنا كەلەدى»، - دەپ اتاپ ءوتتى ، - №5 قالالىق كلينيكالىق اۋرۋحاناسىنىڭ دارىگەر- ينفەكتسيونيسى ولگا انتيپوۆ.
