د د س ۇ ساياحات ءۇشىن ۆاكسينا پاسپورتتارىن ەنگىزۋگە رۇقسات بەرەدى
نۇر-سۇلتان. قازاقپارات - ۆاكسينا جەتپەي جاتقاندا ەگۋ پاسپورتىن ساياحاتتاۋدىڭ شارتى رەتىندە تالاپ ەتۋ كەمسىتۋشىلىك بولادى، ءبىراق ۋاقىت وتە كەلە ەنگىزىلۋى مۇمكىن.
بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيۋس جەنەۆادا وتكەن باسپا ءسوز ءماسليحاتىندا مالىمدەدى، - دەپ حابارلايدى Kaz.tengritravel.kz ءتىلشىسى ريا نوۆوستي باسىلىمىنا سىلتەمە جاساپ.
«ءبىز ۆاكسينالاردىڭ تەڭ بولىنبەۋىنە بايلانىستى ەگۋ پاسپورتتارىن ساياحات شارتى رەتىندە پايدالانعىمىز كەلمەيدى. بۇل ادامداردى الالاۋ قۇرالى بولار ەدى جانە كومەكتەسپەس ەدى»، - دەدى ول.
ونىڭ ايتۋىنشا، بولاشاقتا ۆاكسينالار بۇكىل الەمگە قولجەتىمدى بولعان كەزدە ەگۋ پاسپورتى ەنگىزىلۋى مۇمكىن. ددۇ ءقازىردىڭ وزىندە مەملەكەتتەرمەن وسىنداي قۇجاتتىڭ ءبىرىڭعاي نۇسقاسىن شىعارۋ ءۇشىن جۇمىس ىستەپ جاتىر.
