امەريكانى ارمانداعان جۇزدەگەن قازاقستاندىق اقشاسىنان ايىرىلدى
Hasta la Visa كليەنتتەرى ا ق ش- تا جاڭا ءومىر باستاۋدى ارمانداعان. تومەن جالاقى، قارىزدار، نەسيەلەردەن قۇتىلعىسى كەلگەن ولار ۆيزا الۋ ءۇشىن دەلدالدارعا 800 مىڭ تەڭگەدەن 3 مىڭ دوللارعا دەيىن ايتارلىقتاي سوما تولەگەن. ولار كەپىلدەندىرىلگەن ناتيجەگە ۇمىتتەنگەن. الايدا ولاردىڭ وتىنىشىنەن ا ق ش- تىڭ باس كونسۋلدىعى باس تارتقان.
«مەن بارىپ، جۇمىسقا تۇرىپ اقشا تابۋدى جوسپارلادىم. جايعاسىپ، قانداي دا ءبىر باسپاناعا ورنالاسقىم كەلدى. دەگەنمەن، ەشقانداي مىندەتتەر ورىندالمادى. ماعان بۇل اقشانى تابۋ قيىنعا ءتۇستى. قاراجاتتىڭ ءبىر بولىگىن قايتارعىم كەلەدى. سوسىن تىنىش ءومىر ءسۇرۋدى جالعاستىرا بەرەمىن. ويتكەنى ءومىرىم توزاققا اينالعانداي»، - دەيدى ۆيزادان باس تارتقانداردىڭ ءبىرى ينديرا.
باس تارتقان جاعدايدا كومپانيا كەز-كەلگەن باسقا ەلگە ۆيزا الۋعا ۋادە بەرگەن. ءبىراق، شىن مانىندە، تاڭداۋ تەك چەحيا نەمەسە سلوۆاكيا بولعان. ءبىراق ۇستىنەن تاعى مىڭ دوللاردان ارتىق تولەۋگە تۋرا كەلەدى. سونداي-اق، اگەنتتىك كليەنتتەرگە جۇمىس ۆيزالارىنىڭ ورنىنا ستۋدەنتتىك ۆيزالاردى بەرگەنى بەلگىلى بولدى.
جالپى العاندا، جۇزگە جۋىق ادام وزدەرىن الاياقتىقتىڭ قۇربانى بولدىق دەپ ويلايدى.
«ازاماتتىق زاڭنامادا «مىندەتتەمەلەردى ورىنداماۋ» تۇسىنىگى بار. ەگەر ادام ءوز قىزمەتتەرىن تولىق كولەمدە الماسا ءبىز سوت تارتىبىمەن مىندەتتەمەلەردىڭ ورىندالۋىن نەمەسە اقشانىڭ قانداي دا ءبىر بولىگىن قايتارۋدى تالاپ ەتەتىن بولامىز»، - دەيدى ادۆوكات ەرجان بەكبولات.
زارداپ شەككەندەردىڭ ايتۋىنشا، كومپانيا رۇقسات الۋ مۇمكىندىگىن ارتتىرۋ ءۇشىن كليەنتتەرىنەن وتباسىلىق جاعدايى نەمەسە جيناقتارى تۋرالى مالىمەتتەردى العان. انىقتامالار مەن مورلەر جالعان ەكەنىن بانكتەردىڭ بىرىندە راستادى.
«ءبىزدىڭ قاۋىپسىزدىك قىزمەتىمىز تەكسەرۋ جۇرگىزىپ، بۇل انىقتاما جالعان دەپ شەشتى. بۇل تۋرالى بلانك، ءمورتاڭبا ءبارىن كۋالاندىرا الامىز. سونىمەن قاتار وسى انىقتاماعا قول قويعانداردى ايتاتىن بولسا، بىزدە ونداي قىزمەتكەرلەر جوق جانە ەشقاشان بولعان ەمەس»، - دەيدى ەۋرازيالىق بانكتىڭ PR- باعىتىنىڭ جەتەكشىسى ازەل جانىبەك.
كومپانيانىڭ ءوزى جالعان قۇجاتتار تۋرالى بىلمەيتىنىن مالىمدەيدى. اگەنتتىكتىڭ نەگىزىن قالاۋشى انۋار سەيتكەرىم كليەنتتەرگە ءتۇرلى جاعدايلار بولاتىنى تۋرالى ەسكەرتىلگەنىن جانە ەشكىم ولارعا ۆيزالاردى %100 ماقۇلداۋدى ۋادە ەتپەگەنىن ءتۇسىندىردى. بۇل رەتتە قاناعاتتانارلىقسىز ناتيجە بولعان جاعدايدا اقشانى قايتارۋ مۇمكىن ەمەس: قاراجاتتىڭ ءبىر بولىگى كونسۋلدىق الىمدارعا، ساۋالنامالاردى تولتىرۋعا جانە قىزمەتكەرلەردىڭ جالاقىسىنا جۇمسالعان.
«ءبىر جەردە بىرەۋ اقپاراتتى ءسال اسىرا سىلتەپ ايتۋى مۇمكىن. ءبىراق ەشقاشان وتىرىك ايتپايدى. ەگەر وتىرىك ايتسا مەن اقشانى ءوزىم قايتارىپ، قىزمەتكەردى جۇمىستان شىعارامىن. ءبىز كەز-كەلگەن كليەنتتەرمەن مىندەتتى تۇردە كەلىسسوزدەر جۇرگىزەمىز. ەگەر ولار نارازىلىق بىلدىرسە - اقشانىڭ ءبىر بولىگىن قايتارىلادى نەمەسە باسقا قىزمەتتەردى ۇسىنىلادى. ەگەر ادام بۇعان كەلىسپەسە، ول ءارقاشان سوتقا جۇگىنە الادى»، - دەيدى Hasta la Visa باس ديرەكتورى انۋار سەيتكەرىم.
Alashainasy.kz
