18:10, 14 - قىركۇيەك 2021 | GMT +5
ق ر پرەزيدەنتى ۇلى بريتانيانىڭ پرەمەر- مينيسترىنە كوڭىل ايتتى
نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ ۇلى بريتانيانىڭ پرەمەر- ءمينيسترى بوريس دجونسونعا كوڭىل ايتتى، دەپ حابارلايدى اقوردا.
مەملەكەت باسشىسى ۇلى بريتانيانىڭ پرەمەر- ءمينيسترى بوريس دجونسونعا اناسى شارلوتتا دجونسون ۋوللدىڭ قايتىس بولۋىنا بايلانىستى كوڭىل ايتۋ جەدەلحاتىن جولدادى.
«قازاقستان حالقىنىڭ جانە جەكە ءوزىمنىڭ اتىمنان جوعارى مارتەبەلى سىزگە جانە وتباسىڭىزعا ورنى تولماس قايعىعا بايلانىستى كوڭىل ايتامىن. ميسسيس دجونسون ۋولل اسا كورنەكتى تۇلعا بولاتىن. ول ءوزىنىڭ تاماشا تۋىندىلارىمەن بىرىككەن پاتشالىقتا جانە ودان تىس جەرلەردە زاماناۋي ونەردىڭ دامۋىنا، ىلگەرىلەۋىنە ەلەۋلى ۇلەس قوستى. اياۋلى اناڭىز جايلى جاقسى ەستەلىكتەر ونى بىلەتىن ادامداردىڭ جۇرەكتەرىندە جانە جادىلارىندا ساقتالاتىنىنا سەنىمدىمىن»، - دەلىنگەن جەدەلحاتتا.
