رەسەي پرەزيدەنتى كارانتينگە جاتاتىنىن ايتتى

ماسكەۋ. تاسس- قازاقپارات - رەسەي پرەزيدەنتى ۆلاديمير پۋتين تاجىكستان پرەزيدەنتى ەمومالي راحمونوۆپەن اڭگىمە بارىسىندا ءوزىنىڭ اينالاسىندا كورناۆيرۋسپەن اۋىرعانداردىڭ كوبەيۋىنە بايلانىستى ءوزىن- ءوزى وقشاۋلاۋعا كوشۋگە ءماجبۇر ەكەنىن ايتتى.

بۇل تۋرالى كرەملدىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

«ۆلاديمير پۋتين اينالاسىندا انىقتالعان كوروناۆيرۋس جاعدايلارىنا بايلانىستى بەلگىلى ءبىر ۋاقىت ارالىعىندا ءوزىن- ءوزى وقشاۋلاۋ رەجيمىن ساقتاۋ كەرەك ەكەنىن حابارلادى»، - دەلىنگەن حابارلامادا.

وسىنى ەسكەرە وتىرىپ، رەسەي پرەزيدەنتى وسى اپتادا دۋشانبەدەگى ۇ ق ش ۇ ۇجىمدىق قاۋىپسىزدىك كەڭەسىنىڭ جوسپارلانعان سەسسياسىنا، شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىنا جانە ۇ ق ش ۇ مەن ش ى ۇ- عا مۇشە مەملەكەتتەر باسشىلارىنىڭ بىرلەسكەن وتىرىسىنا ۆيدوكونفەرەنسيا رەجيمىندە قاتىسادى، دەپ حابارلادى كرەملدىڭ باسپا ءسوز قىزمەتى.