16:43, 14 - قىركۇيەك 2021 | GMT +5
الماتى وبلىسىنىڭ ۇيعىر اۋدانىندا مەكتەپ ديرەكتورى اسىلىپ قالدى
تالدىقورعان. قازاقپارات - الماتى وبلىسىنىڭ ۇيعىر اۋدانىندا مەكتەپ ديرەكتورى اسىلىپ، كوز جۇمدى، دەپ حابارلايدى قازاقپارات ءتىلشىسى.
قايعىلى جاعدايدى الماتى وبلىستىق ءبىلىم باسقارماسىنىڭ باسپا ءسوز قىزمەتى راستادى. 1975- جىلعى ەر ادام ءوز ۇيىندە اسىلىپ قالعان.
«ازيزجان تۋرسۋنوۆيچ دارايەۆ 2011 -جىلدان باستاپ وسى ۋاقىتقا دەيىن ۇلكەن اقسۋ اۋىلىنداعى ع. سادۆاكاسوۆ اتىنداعى ورتا مەكتەپتىڭ ديرەكتورى بولىپ جۇمىس ىستەگەن. ۇيلەنگەن، وتباسى بار»، - دەلىنگەن ۆەدومستۆونىڭ حابارلاماسىندا.
مارقۇمنىڭ ارتىندا ءۇش بالاسى، جۇبايى قالدى. ەكى بالاسى ستۋدەنت، ءبىر بالاسى مەكتەپتە وقيدى.
«بۇگىنگى كۇنى ۇيعىر اۋداندىق پوليتسيا بولىمىندە ورىن العان جاعداي بويىنشا قىلمىستىق ءىس قوزعالىپ، تەرگەۋ امالدارى جۇرگىزىلىپ جاتىر»، - دەپ تولىقتىردى اتالعان ۆەدومستۆونىڭ باسپا ءسوز قىزمەتىنەن.
اۆتور: سامال قابىشيەۆا
