حيتروۋ ەندى ەۋروپانىڭ ەڭ تانىمال اۋەجايى ەمەس
پاندەمياعا دەيىن حيتروۋ بۇل تىزىمدە كوش باستاپ تۇرعان ەدى. بۇل تۋرالى قازاقپارات ت ا س س اگەنتتىگىنە سىلتەمە جاساپ حابارلايدى.
بيىلعى جىلدىڭ تامىز ايىندا حيتروۋدا نەبارى 19,5 مىڭ رەيسكە قىزمەت كورسەتىلگەن. ال امستەردامداعى سحيپحول بۇل كورسەتكىش بويىنشا رەكورد ورناتىپ، 33 مىڭ رەيسكە قىزمەت ەتتى.
ەۋروپانىڭ ادام ەڭ كوپ جينالاتىن اۋەجايىنىڭ اراسىندا انتاليا، افينا، بارسەلونا، مادريد، مايوركا، ىستانبۇل جانە فرانكفۋرت، سونداي- اق پاريجدىك رۋاسسي - شارل دە گولل اۋە ايلاقتارى دە بار. حيتروۋداعى جولاۋشىلار اعىنى وتكەن ايدا 2,2 ميلليون ادامعا جەتكەن. بۇل - 2020 -جىلدىڭ كوكتەمىنەن بەرى ەڭ جوعارى كورسەتكىش.
The Times باسىلىمىنىڭ جازۋىنشا، ەۋروپانىڭ كوپتەگەن اۋەجايلارىندا بۇل كورسەتكىش حيتروۋعا قاراعاندا الدەقايدا جىلدام ءوسىپ كەلەدى. بۇرىنعى دەڭگەيگە باياۋ ورالۋ سەبەپتەرىنىڭ ءبىرى - ەۋروپانىڭ باسقا ەلدەرىنە قاراعاندا شەتەلدەن ۇلى بريتانياعا كىرۋگە تالاپ وتە قاتاڭ. اۋە ايلاعىنىڭ اكىمشىلىگى ەل ۇكىمەتىن ولاردى جەڭىلدەتىپ، قولدانىستاعى كوروناۆيرۋس شەكتەۋلەرىنىڭ ءبىر بولىگىن، سونىڭ ىشىندە ەلگە كىرگەننەن كەيىن قۇنى قىمبات پ ت ر تالداۋدى ەكى رەت ءوتۋ تالابىن الىپ تاستاۋعا ۇندەپ وتىر.
اۆتور: زارينا تۋعانبايەۆا
