الماتى وبلىسىندا كولىك قاعىپ كوز جۇمعان جاياۋ جۇرگىنشىنىڭ اتى- ءجونى انىقتالماي جاتىر

تالدىقورعان. قازاقپارات - الماتى وبلىسىندا كولىك قاعىپ، مەرت بولعان جاياۋ جۇرگىنشىنىڭ كىم ەكەنى بەلگىسىز، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، قايعىلى وقيعا 13 - قىركۇيەكتە تۇنگى ساعات 22:20 شاماسىندا بولعان.

«الماتى- وسكەمەن» تاس جولىنىڭ 36 شاقىرىمىندا وتىز جاستاعى Opel Calibra كولىگىنىڭ جۇرگىزۋشىسى جاياۋ جۇرگىنشىنى قاعىپ كەتتى. جابىرلەنۋشىنىڭ كىم ەكەنى بەلگىسىز. ول اۋىر جاراقاتتان سول جەردە كوز جۇمدى. قايتىس بولعان ادام جاياۋ جۇرگىنشىگە ارنالماعان جەردەن وتكەن»، - دەپ مالىمدەدى باسپا ءسوز قىزمەتىنەن.

قازىر وسى فاكتى بويىنشا قىلمىستىق كودەكستىڭ 345-بابى 3-بولىگىنە سايكەس سوتقا دەيىنگى تەرگەۋ ءجۇرىپ جاتىر.

اۆتور: سامال قابىشيەۆا