الماتى وبلىسىندا ىشىمدىك ءىشىپ العان تۋىسقاندار جاپپاي توبەلەستى - ۆيدەو

تالدىقورعان. قازاقپارات - الماتى وبلىسىندا وتباسىسىلىق شاراعا جينالعان تۋىسقانداردىڭ توبەلەسىنە قاتىستى پوليتسيا تۇسىنىكتەمە بەردى، دەپ حابارلايدى قازاقپارات ءتىلشىسى.

الماتى وبلىسىنىڭ پوليتسيا دەپارتامەنتى 13-قىركۇيەكتە الەۋمەتتىك جەلىدە تاراعان توبەلەسىنە قاتىسقان ءبىر توپ ادامنىڭ انىقتالعانىن حابارلادى.

«12-قىركۇيەك كۇنى ساعات 13:00 شاماسىندا ىلە اۋدانىندا مەجدۋرەچەنسك كەنتىنىڭ «سوكول» ساياجايىندا 34 جاستاعى تۇرعىن ۇيىندە مارقۇمدى ەسكە الۋ شاراسىن ۇيىمداستىرعانى انىقتالدى. كوپتەگەن ادامدار جينالعان ءىس-شارا بارىسىندا ماس كۇيدە بولعان ءۇي يەسى مەن ونىڭ تۋىستارىنىڭ ءبىرى اراسىندا جانجال شىعىپ، ولار ءوزارا توبەلەسكەن. قالعان تۋىستارى جانجالعا ارالاسىپ، اتالعان ەكى ەر ادامدى توقتاتقان. جانجالعا قاتىسۋشىنىڭ ەشقايسىسى پوليتسياعا جۇگىنگەن جوق»، - دەلىنگەن باسپا ءسوز قىزمەتىنىڭ حابارلاماسىندا.

دەگەنمەن، ىلە اۋدانىنىڭ پ ب قىزمەتكەرلەرى تەكسەرۋ جۇرگىزدى. كارانتين رەجيمىن بۇزعانى ءۇشىن ءۇي يەسىنە قاتىستى ماتەريال ىلە سانيتارلىق-ەپيدەميولوگيالىق باقىلاۋ باسقارماسىنا جولداندى. جانجال شىعارعان ەر ادامعا قاتىستى ق ر ا ق ب ت ك-نىڭ 73-بابىندا قاراستىرىلعان «ۇرىپ-سوعۋ» اكىمشىلىك ءوندىرىس قوزعالدى. ول تاياۋدا سوتقا جولدانادى.

اۆتور: سامال قابىشەۆا