حالىققا ساتىلاتىن كومىر باعاسىنىڭ زاڭسىز وسۋىنە قالاي جول بەرمەۋگە بولادى
«جالپى جىلىتۋ ماۋسىمىنا دايىندىق بەكىتىلگەن جوسپارعا سايكەس ءجۇرىپ جاتىر جانە مينيسترلىكتىڭ تۇراقتى باقىلاۋىندا. الداعى جىلۋ بەرۋ ماۋسىمىنا ۋاقىتىلى دايىندالۋ ماقساتىندا اكىمدىكتەر بەلگىلەنگەن مەرزىمدە ءبىلىم، دەنساۋلىق ساقتاۋ وبەكتىلەرىن، تۇرعىن ۇيلەردى جانە ەلدى مەكەندەردىڭ ينجەنەرلىك ينفراقۇرىلىمىن دايىنداۋ بويىنشا بارلىق جوندەۋ جۇمىستارىنىڭ ورىندالۋىنا باقىلاۋدى قامتاماسىز ەتۋى قاجەت»، - دەدى مينيستر.
سونىمەن قاتار جەرگىلىكتى اتقارۋشى بيلىك كومىر تاپشىلىعىن بولدىرماۋ ماقساتىندا كومىر جەتكىزۋشىلەرىمەن بەلسەندى ءوزارا ءىس- قيمىل جاساۋى ءتيىس.
«مونوپولياعا قارسى ۆەدومستۆونىڭ اۋماقتىق بولىمشەلەرىن تارتۋ ارقىلى كوممۋنالدىق- تۇرمىستىق قاجەتتىلىكتەر مەن تۇرعىندار ءۇشىن كومىر باعاسىنىڭ زاڭسىز ءوسۋىن بولدىرماۋ كەرەك. دەربەس قازاندىقتار ءۇشىن وتىندى ۋاقتىلى دايىنداۋ جانە قولدا بار دەبيتورلىق بەرەشەكتى وتەۋ بويىنشا ءىس- شارالار قابىلداۋى ءتيىس»، - دەدى بەيبىت اتامقۇلوۆ.
