بيىل كومىر باعاسى قانشا بولادى

نۇر-سۇلتان. قازاقپارات - ەلىمىزدە كومىر باعاسى وڭىرلەرگە بايلانىستى تونناسىنا 5 مىڭنان 19 مىڭ تەڭگەگە دەيىن اۋىتقيدى.

بۇل تۋرالى ۇكىمەت وتىرىسىندا ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتتى، دەپ حابارلايدى قازاقپارات ءتىلشىسى.

«كومىر باعاسى نارىقتىق قاتىناستا قالىپتاساتىنىن جانە مەملەكەت تاراپىنان رەتتەلمەيتىنىن ايتا كەتۋ قاجەت. اكىمدىكتەردىڭ اقپاراتى بويىنشا وڭىرلەردەگى كومىردىڭ قۇنى تونناسىنا 5 مىڭ تەڭگەدەن 19 مىڭ تەڭگەگە دەيىن وزگەرەدى. بۇل ەڭ الدىمەن كومىردىڭ ماركاسىنا، ءوندىرۋ شىعىندارى مەن جەتكىزۋ قاشىقتىعىنا بايلانىستى»، - دەدى مينيستر.

ونىڭ اتاپ وتۋىنشە، الداعى جىلىتۋ ماۋسىمىندا كوممۋنالدىق-تۇرمىستىق جانە تۇرعىندار ءۇشىن قاجەتتى كومىر كولەمى شامامەن 9,2 ميلليون توننانى قۇرايدى. ونىڭ ىشىندە كوممۋنالدىق- تۇرمىستىق سەكتورعا - 2,8 ميلليون توننا، حالىققا 6,4 ميلليون توننا كومىر قاجەت.

اۆتور: مارلان جيەمباي