ۇلتتىق قوردا قانشا اقشا قالدى

نۇر-سۇلتان. قازاقپارات - ق ر ۇلتتىق بانكىنىڭ ءتوراعاسى ەربولات دوسايەۆ ۇكىمەت وتىرىسىندا ۇلتتىق قورداعى اكتيۆتەردىڭ مولشەرىن اتادى، دەپ حابارلايدى قازاقپارات ءتىلشىسى.

«ۇلتتىق قوردىڭ اكتيۆتەرى بيىلعى جىلعى تامىزدىڭ سوڭىندا 56,9 ميلليارد ا ق ش دوللارى بولدى. تامىزدا 396 ميلليارد تەڭگەگە نىسانالى جانە كەپىلدەندىرىلگەن ترانسفەرتتەردى ءبولۋ ءۇشىن 845 ميلليون ا ق ش دوللارى ساتىلدى. تامىزدا ۇلتتىق قورعا تۇسكەن تۇسىمدەر - 420 ميلليارد تەڭگە»، - دەيدى ۇلتتىق بانك باسشىسى.

ونىڭ ايتۋىنشا، تامىزدا ۇلتتىق قوردىڭ ينۆەستيتسيالىق كىرىسى وڭ قالىپتاسىپ، 316 ميلليون دوللار بولعان. تامىز ايىندا اكتسيالاردىڭ 431 ميلليون دوللارعا نەمەسە %2,52 كە ءوسۋى وبليگاتسيالار مەن التىن باعاسىنىڭ تومەندەۋىنە بايلانىستى تۋىنداعان شىعىنداردى جاۋىپ كەتكەن.

«جىل باسىنان بەرى ۇلتتىق قوردىڭ ينۆەستيتسيالىق كىرىسى اكسيالار نارىعىندا ءوسىپ، 2,3 ميلليارد دوللار نەمەسە %4,11 بولدى»، - دەدى ەربولات دوسايەۆ.

ەسكە سالساق، ۇلتتىق بانك ءتوراعاسى جىل سوڭىنا دەيىن ينفلياتسيانىڭ قاي دەڭگەيگە باراتىنىن بولجادى.

«شەكتى تاريفتەردىڭ كوتەرىلۋىنە بايلانىستى ەلەكتر قۋاتى باعاسىنىڭ ءوسۋى %10,1 تى قۇرادى. سۇرانىستى قالپىنا كەلتىرۋ اياسىندا تۇرعىن ءۇيدى جالعا الۋ باعاسى، قوعامدىق تاماقتانۋ، گاز جانە جولاۋشىلاردىڭ اۋە تاسىمالىنىڭ باعاسى ءوستى. بولجامدىق راۋندتىڭ قورىتىندىسى بويىنشا ۇلتتىق بانك بيىلعى جىلدىڭ سوڭىنا قاراي ينفلياتسيا %7,5-%8,5 دالىزىندە قالىپتاسادى دەپ كۇتۋدە. ونىڭ تومەنگى شەكاراسى ينفلياتسياعا قارسى دەن قويۋ شارالارىنىڭ كەشەنىن ءتيىمدى ىسكە اسىرۋدى ەسكەرە وتىرىپ ايقىندالعان»، - دەدى ول ۇكىمەت وتىرىسىندا.

اۆتور: ەسىمجان ناقتىباي