22:56, 13 - قىركۇيەك 2021 | GMT +5
قازاقستان ب ۇ ۇ- نىڭ اۋعانستانداعى گۋمانيتارلىق احۋال جونىندەگى حالىقارالىق كونفەرەنسياسىنا قاتىستى
نۇر-سۇلتان - جەنەۆا. قازاقپارات - قازاقستان پرەزيدەنتىنىڭ اۋعانستان بويىنشا ارنايى وكىلى تالعات قاليەۆ بەينەبايلانىس ارقىلى اۋعانستانداعى گۋمانيتارلىق احۋالعا ارنالعان حالىقارالىق كونفەرەنسياعا قاتىستى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.
ءىس-شاراعا ب ۇ ۇ باس حاتشىسى انتونيۋ گۋتەرريش، ب ۇ ۇ باس حاتشىسىنىڭ اۋعانستان بويىنشا ارنايى وكىلى دەبورا لايونس، ۇيىمعا مۇشە مەملەكەتتەردىڭ جانە حالىقارالىق ۇيىمداردىڭ وكىلدەرى قاتىستى.
ءوز سوزىندە ت. قاليەۆ قازاقستان اۋعانستانداعى احۋالدى تۇراقتاندىرۋ بويىنشا حالىقارالىق كۇش-جىگەرگە ءوزىنىڭ ناقتى ۇلەسىن قوسۋدى جالعاستىرۋعا دايىن ەكەنىن مالىمدەپ، ەلىمىزدىڭ ب ۇ ۇ قامقورلىعىمەن حالىقارالىق گۋمانيتارلىق كومەكتى قاۋىپسىز جانە بىرلەسكەن تۇردە اۋعانستانعا جەتكىزۋدى قامتاماسىز ەتۋ ماقساتىندا الماتىدا حالىقارالىق گۋمانيتارلىق لوگيستيكالىق حابتى قۇرۋ تۋرالى باستاماسىن ەرەكشە اتاپ ءوتتى.
