قازاقستان مەن رەسەي دەسانتشىلارى بىرلەسكەن تاپسىرمالاردى ورىندادى
رەسەي فەدەراتسياسىنىڭ «مۋلينو» پوليگونىندا قازاقستاننىڭ دەسانتتىق-شابۋىلداۋ اسكەرلەرىنىڭ جانە رەسەيدىڭ اۋە-دەسانتتىق اسكەرلەرىنىڭ بولىمشەلەرى ەلدى مەكەندى شارتتى قارسىلاستان ازات ەتتى، دەپ حابارلايدى قازاقپارات ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
دەسانتشىلار مي- 8 ا م ت ش ارميالىق اۆياتسيا تىكۇشاعىنان قونۋ تاسىلىمەن دەسانت ءتۇسىرۋدى ورىندادى.
اسكەري كونتيگەنتتەر ناقتى ءارى ۇيلەسىمدى ءىس-قيمىل جاساي وتىرىپ، ەلدى مەكەندەردە قارسىلاستان قورعانۋدى جانە وعان جاقىنداپ ۇرىس جۇرگىزىپ، اتىس نىساندارىن جويدى.
اسكەري تىكۇشاقتار قارسىلاستىڭ نىساندارىنا سوققى بەرىپ، تاكتيكالىق دەسانت ءتۇسىرۋ ءىس-قيمىلىن قولدادى. تاپسىرمالاردى ورىنداۋدا اتىس ايماعىنىڭ كورىنبەۋى، مانيەۆردىڭ جانە بولىمشەلەردى باسقارۋدىڭ كۇردەلىلىگى قيىندىق تۋدىردى.
قورىتىندىلاي كەلە، وقۋ-جاتتىعۋدىڭ باسشىلىعى قازاقستان مەن رەسەيدىڭ دەسانتتىق-شابۋىلداۋ باتالوندارىنىڭ كومانديرلەرى گۆارديا مايورى اسقار مۇحيت پەن گۆارديا پودپولكوۆنيگى يۆان ياروۆەنكو باسشىلىق ەتكەن قوسىمشا بولىمشەلەردىڭ ءىس-قيمىل ۇيلەسىمدىلىگىن اتاپ ءوتتى.
اتالعان ءىس-قيمىلعا 300 دەن استام دەسانت، 10 نان اسا اسكەري اۆياتسيا تىكۇشاعى جۇمىلدىرىلدى.
بەلارۋس ەلىنىڭ برەست پوليگونىندا قازاقستان، بەلارۋس جانە رەسەيدىڭ اسكەري كونتينگەنتتەرى ي ل-76 م د ۇشاقتارىنان تۇندە دەسانت ءتۇسىرۋدى ورىندادى.
وقۋ-جاتتىعۋدىڭ جوسپارىنا سايكەس 1500 مەتر بيىكتىكتەن تۇندە كورەتىن قۇرىلعىلاردى پايدالانا وتىرىپ، ارنايى جاساق دەسانت تۇسىرۋگە ارنالعان الاڭداردى باسىپ الدى.
ولار جاۋىنگەرلىك وقۋ-جاتتىعۋ تاپسىرمالارىن ورىنداۋعا بىردەن كىرىسىپ كەتتى.
ەستەرىڭىزگە سالا كەتسەك، «باتىس-2021» بىرلەسكەن ستراتەگيالىق وقۋ-جاتتىعۋى رەسەي جانە بەلارۋس ەلدەرىنىڭ اسكەري پوليگوندارىندا ءبىر ۋاقىتتا وتۋدە. بۇل بىرلەسكەن مانيەۆرلەر زاڭسىز قارۋلانعان قۇرامالارمەن كۇرەسۋگە باعىتتالعان.
