ەرالى توعجانوۆ الەۋمەتتىك سالا ماسەلەلەرى جونىندە كەڭەس وتكىزدى
ءبىلىم جانە عىلىم، دەنساۋلىق ساقتاۋ، مادەنيەت جانە سپورت، اقپارات جانە قوعامدىق دامۋ مينيسترلەرى الەۋمەتتىك سالانىڭ نەگىزگى باعىتتارى بويىنشا اتقارىلىپ جاتقان جۇمىس بارىسىن باياندادى.
مەملەكەت باسشىسىنىڭ 2021-جىلعى 1- قىركۇيەكتەگى «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» اتتى قازاقستان حالقىنا ارناعان جولداۋىندا ايتىلعان تاپسىرمالارىن ورىنداۋعا ەرەكشە نازار اۋدارىلدى.
ءبىلىم جانە عىلىم مينيسترلىگىنىڭ دەرەكتەرىنە سايكەس بۇگىندە رەسپۋبليكادا جالپى كونتينگەنتى 250 مىڭ بالانى قۇرايتىن 147 مەكتەپ ءۇش اۋىسىمدا جۇمىس ىستەيدى. ولاردىڭ ەڭ كوپ سانى الماتى (50)، ماڭعىستاۋ (16) وبلىستارىندا، شىمكەنت قالاسىندا (14) ورنالاسقان.
ۆيتسە-پرەمەر ءۇش اۋىسىمدى وقىتۋ، وقۋشى ورىندارىنىڭ تاپشىلىعى پروبلەمالارىن جەدەل شەشۋدىڭ ماڭىزدىلىعىن اتاپ ءوتتى.
ول ءۇشىن وڭتايلى شەشىم - جىلدام تۇرعىزىلاتىن از شىعىندى مودۋلدىك مەكتەپتەر سالۋ. دەنساۋلىق ساقتاۋ سالاسىندا جوعارى بىلىكتى كادرلار تاپشىلىعى، اۋرۋحانالاردى قازىرگى زامانعى جابدىقتارمەن جاراقتاندىرۋ پروبلەمالارى وزەكتى كۇيىندە قالىپ وتىر.
بۇگىنگى تاڭدا مەديتسينا قىزمەتكەرلەرىنىڭ الەۋمەتتىك قولداۋ شارالارىمەن تومەن قامتىلۋى تۇركىستان وبلىسىندا %7، اقتوبە وبلىسىندا %12، الماتى وبلىسىندا %13 جانە پاۆلودار وبلىسىندا %18 قۇرايدى.
ە. توعجانوۆ مەديتسينا كادرلارىن دايارلاۋعا گرانتتار سانىن كوبەيتۋدى، بارلىق جاس مامانداردى الەۋمەتتىك قولداۋ شارالارىمەن قامتاماسىز ەتۋدى، وعان قوسىمشا قاجەتتىلىكتى انىقتاۋ ءۇشىن مەديتسينالىق جابدىقتارعا ەگجەي-تەگجەيلى ينۆەنتاريزاتسيا جۇرگىزۋدى تاپسىردى.
بۇقارالىق سپورت سالاسىندا بالالاردى مەملەكەتتىك سپورتتىق تاپسىرىسپەن قامتۋدىڭ ەڭ تومەن كورسەتكىشتەرى سولتۇستىك قازاقستان، تۇركىستان، قوستاناي وبلىستارىندا بايقالدى.
پرەمەر-ءمينيستردىڭ ورىنباسارى حالىقتى، ءبىرىنشى كەزەكتە بالالاردى بۇقارالىق سپورتپەن قامتۋدى ۇلعايتۋعا، دەنە شىنىقتىرۋ-ساۋىقتىرۋ كەشەندەرىن، مادەنيەت وبەكتىلەرىن سالۋعا، كىتاپحانالار مەن مۇراعاتتار جۇمىسىن جاڭعىرتۋعا ەرەكشە كۇش سالۋ كەرەكتىگىن اتاپ ءوتتى.
ۆيتسە-پرەمەر قازاقستان رەسپۋبليكاسى تاۋەلسىزدىگىنىڭ 30 جىلدىعىن مەرەكەلەۋگە بۇكىل قوعامدى تارتۋ، سونداي-اق ىسكە اسىرىلىپ جاتقان مەملەكەتتىك باعدارلامالار مەن جوبالارعا ازاماتتاردىڭ قاتىسۋى ءۇشىن اقپاراتتىق-ءتۇسىندىرۋ جۇمىستارىن جانداندىرۋ جونىندەگى جۇمىستى كۇشەيتۋدى تاپسىردى.
سونداي-اق اكىمدىكتەردىڭ اقپاراتىن تىڭداعان پرەمەر-ءمينيستردىڭ ورىنباسارى ە. توعجانوۆ جەرگىلىكتى جەرلەردە قارجىلاندىرۋدىڭ قاجەتتى كولەمىن قامتاماسىز ەتە وتىرىپ، الەۋمەتتىك سيپاتتاعى وزەكتى ماسەلەلەردى شەشۋ جونىندە ءبىرقاتار ناقتى تاپسىرما بەردى.
كەڭەس باعدارلاماسى شەڭبەرىندە وڭىرلەر اكىمدەرىنىڭ ورىنباسارلارى سالىنىپ جاتقان 800 توسەكتىك كوپبەيىندى ۋنيۆەرسيتەت اۋرۋحاناسىنىڭ جانە BINOM جاڭا فورماتتاعى مەكتەبىنىڭ تۇساۋكەسەرىنە قاتىستى، سونداي-اق تەز تۇرعىزىلاتىن مودۋلدىك مەكتەپتەر سالۋ ارقىلى جاڭا وقۋ ورىندارىن قۇرۋدىڭ وڭتايلى نۇسقالارى كورسەتىلدى.
