قاراعاندىدا يەن دالادان جاس جىگىتتىڭ دەنەسى تابىلدى

قاراعاندى. قازاقپارات - قاراعاندىدا قاڭقاعا اينالعان ءمايىت تابىلدى. ونىڭ جانىندا حابار- وشارسىز كەتكەن جاس جىگىتتىڭ قۇجاتتارى بولدى، دەپ حابارلايدى قازاقپارات ءتىلشىسى.

قاراعاندى وبلىسى پ د باسپا ءسوز قىزمەتىنىڭ حابارلاۋىنشا، ءمايىت قاراعاندى ماڭىندا دالادا تابىلعان.

«ادامنىڭ قاڭقالى ءمايىتى تابىلدى. مۇردەنىڭ جانىندا حابار- وشارسىز كەتكەن ادامنىڭ قۇجاتتارى بولعان. قازىرگى ۋاقىتتا قاجەتتى ساراپتامالار تاعايىندالدى، ونىڭ ناتيجەسى بويىنشا پروتسەسسۋالدىق شەشىم قابىلدانادى»، - دەپ حابارلادى قاراعاندى وبلىسى پ د باسپا ءسوز قىزمەتى.

بەلگىلى بولعانداي، تابىلعان قۇجاتتار 2020 -جىلدىڭ 26 تامىزىندا جوعالىپ كەتكەن 27 جاستاعى قاراعاندىلىق جىگىتكە تيەسىلى بولعان. تابىلعان ءمايىت وسى قۇجاتتاردىڭ يەسى مە، جوق پا - ول تەك ساراپتامادان كەيىن عانا بەلگىلى بولادى.

اۆتور: اگاتا مۋحامەدجانوۆا