پاندەميا ءورشىپ تۇرعان كەزدە «التىن وردا» بازارىنىڭ نەگە جابىلماعانى ءتۇسىندىرىلدى

نۇر- سۇلتان. قازاقپارات - پاندەميا ءورشىپ كەتكەن كەزدەردە بۇكىل بازارلار جابىلىپ جاتتى. ال بىلتىر الماتى وبلىسى مەن قالاسىندا ەپيداحۋال ۋشىعىپ تۇرعان كەزدەردىڭ وزىندە «التىن وردا» بازارىنا مۇنداي شەكتەۋ قولدانىلمادى. نەگە بۇلاي بولدى؟

ورتالىق كوممۋنيكاتسيالار قىزمەتىندە وتكەن بريفينگىدە اكىمدىك وكىلدەرىنە وسىنداي سۇراق قويىلدى، دەپ حابارلايدى قازاقپارات ءتىلشىسى.

«التىن وردا» بازارى بويىنشا مىنانى ايتايىن. بۇل بازار ەلدەگى ازىق- تۇلىك باعاسىن قالىپتاستىرۋدا ۇلكەن ءرول وينايدى. ويتكەنى تولايىم ساۋدا جاساۋشىلاردىڭ كوبى ءونىمدى وسى جەردەن ساتىپ الادى. ەگەر ءبىز ونىڭ جۇمىسىن شەكتەسەك نەمەسە بىرنەشە كۇنگە جاۋىپ تاستاساق، الماتى وبلىسى مەن قالاسىنان باسقا وڭىرلەردە دە ازىق- تۇلىك باعاسى ءوسىپ، دۇربەلەڭ تۋعىزادى. بۇل جەردە ماسەلەگە جان- جاقتى قاراۋ كەرەك»، - دەدى الماتى وبلىسى اكىمىنىڭ ورىنباسارى باتىرجان بايجۇمانوۆ.

ونىڭ سوزىنە قاراعاندا، بازار رەسپۋبليكالىق ماڭىزعا يە نىسان بولعاندىقتان، ونداعى سانيتارلىق- ەپيدەميولوگيالىق ساقتىق شارالارى جان- جاقتى قاداعالاۋعا الىنعان.

«بازارداعى نۇكتەلەردىڭ ءبارى سانيتارلىق- ەپيدەميولوگيالىق نورمالاردى ساقتاۋ بويىنشا رەتتەۋگە جاتادى. «التىن وردا» بازارىندا ۆاكسيناتسيالاۋ بەكەتتەرى مەن مونيتورينگ توپتارى جۇمىس ىستەپ تۇر. بازار باسشىلىعىنا دا جۇمىستى وسى تۇرعىدا رەتتەۋ تۋرالى ءتۇسىندىرۋ جۇرگىزىلگەن. ماسكا رەجيمىن ەشكىم جويعان جوق. بۇل تالاپ اتالمىش بازارعا دا قوسىلىپ وتىر»، - دەدى وبلىس اكىمىنىڭ ورىنباسارى.

اۆتور: ەسىمجان ناقتىباي