قازاقستاندا كوروناۆيرۋس ۆاكسيناسىن شىعاراتىن تاعى ءبىر ونەركاسىپ ىسكە قوسىلدى

الماتى وبلىسى. قازاقپارات - پرەمەر- ءمينيستردىڭ ورىنباسارى ەرالى توعجانوۆ مەملەكەت باسشىسىنىڭ قازاقستان حالقىنا جولداۋىندا بەلگىلەنگەن ەلدىڭ بيوقاۋىپسىزدىگىن قامتاماسىز ەتۋ جونىندەگى تاپسىرمالارى اياسىندا «انتيگەن» عىلىمي- وندىرىستىك كاسىپورنىنىڭ جۇمىسىمەن تانىستى، دەپ حابارلايدى قازاقپارات.

كوروناۆيرۋستىڭ تارالۋىنا قارسى ۆەدومستۆوارالىق كوميسسيا تاراتقان مالىمەتكە سەنسەك، قازىرگى ۋاقىتتا بۇل كاسىپورىن ق ر ب ع م بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىنىڭ سەرىكتەسى سانالادى. ب ق پ ع ز ي «انتيگەن» الاڭىن پايدالانا وتىرىپ، مەديتسينالىق ۆاكسينا، ونىڭ ىشىندە QazVac شىعارۋدىڭ تولىق سيكلى بويىنشا ەكىنشى وندىرىستىك الاڭدى ازىرلەپ، ىسكە قوستى.

وسى ماقساتتا الماتى وبلىسى اكىمدىگىنىڭ قولداۋىمەن جەڭىلدەتىلگەن نەسيە بويىنشا ۆاكسينا وندىرۋگە ارنالعان جاڭا تەحنولوگيالىق جابدىقتار ساتىپ الىندى. اعىمداعى جىلدىڭ قىركۇيەك ايىندا قۋاتى ايىنا 1 ميلليون دوزاعا دەيىن جەتەتىن «انتيگەن» الاڭىندا QazVac ۆاكسيناسىنىڭ 300 مىڭ ۆاليداتسيالىق سەرياسى شىعارىلدى. حالىقارالىق ساپا ستاندارتتارى كاسىپورىنعا ءوندىرىستىڭ بارلىق ۋچاسكەلەرىندە جوعارى تەحنيكالىق دەڭگەيگە، ساپا مەن سەنىمدىلىككە قول جەتكىزۋگە مۇمكىندىك بەرەدى. «انتيگەن» ع و ك «OtarBioPharm» ج ش س جانىنداعى بيوفارماتسيەۆتيكا زاۋىتىمەن قاتار ب ق پ ع ز ي ازىرلەگەن QazVac قازاقستاندىق ۆاكسيناسىن شىعارۋ بويىنشا ەكىنشى وندىرىستىك الاڭعا اينالدى.