جىلقىنى تىرىدەي كولىكتىڭ ارتقى ورىندىعىنا سىيعىزىپ، تاسىعان ۇرىلار ۇستالدى

نۇر-سۇلتان. قازاقپارات - مال ۇرلىعىمەن جۇيەلى تۇردە اينالىسقان ۇرى وقيعا ورنىندا ۇستالدى.

ول ۇرلانعان جىلقىنى تىرىدەي جەڭىل كولىك سالونىنا سىيعىزعان.

شىعىس قازاقستان وبلىسىنىڭ پوليتسەيلەرى ءتيىستى ءىس-شارالاردى وتكىزۋ بارىسىندا مال ۇرلىعىمەن اينالىسقان ۇلان اۋدانىنىڭ 31 جاستاعى تۇرعىنىن انىقتادى. ۇرى مالدى جايىلىمىنان تىرىدەي ۇرلاپ، كولىگىمەن الىپ كەتىپ، سودان كەيىن عانا وعان ساتىپ الۋشى ىزدەگەن. ەڭ قىزىعى، ول جانۋارلاردى تىرىدەي كولىكتىڭ سالونىندا ارتقى ورىندىققا سىيعىزىپ، وقيعا ورنىنان اكەتىپ وتىرعان.

ءبىراق قىركۇيەك ايىنىڭ باسىندا كەزەكتى ۇرلىعىنىڭ ۇستىنەن تۇسكەن پوليتسەيلەر ۇرلانعان جىلقىمەن بىرگە پوليتسيا بولىمىنە جەتكىزگەن. ارتىنشا جىلقىنىڭ يەسى تابىلعان. الايدا ول مالىنىڭ جوعالعانى تۋرالى مۇلدەم بىلمەگەن.

قازىرگى ۋاقىتتا تەرگەۋ ورگانى كۇدىكتىنىڭ جىلقىلار مەن بۇزاۋلاردى ۇرلاۋعا، ونىڭ ىشىندە وتكەن جىلدارى جاسالعان مال ۇرلىقتارىنا قاتىسى بارىن انىقتاپ جاتىر.

ش ق و پ د باستىعىنىڭ ورىنباسارى تالعات شاياحمەتوۆتىڭ ايتۋىنشا: «قازىرگى ۋاقىتتا تەرگەۋ امالدارى جالعاسۋدا، ۇرلانعان مالدى ساتىپ الۋشىلار انىقتالۋدا. كۇدىكتىنىڭ ءىس- ارەكەتى ق ر ق ك-نىڭ 188-1-بابى (مال ۇرلىعى) بويىنشا سارالانادى، ونىڭ سانكسياسى 5 جىلعا دەيىن باس بوستاندىعىنان ايىرۋعا دەيىنگى قىلمىستىق جازانى كوزدەيدى».

بيىل مال ۇرلىعى ءۇشىن قىلمىستىق جاۋاپكەرشىلىككە وبلىستىڭ 52 تۇرعىنى تارتىلدى، قىلمىستىڭ وسى تۇرىنە ماماندانعان 7 قىلمىستىق توپ قىزمەتىنىڭ جولى كەسىلدى. پوليتسيا دەپارتامەنتى مال جايۋ ەرەجەلەرىن ساقتاۋ، اسىرەسە، تۇنگى ۋاقىتتا مالدى قاراۋسىز قالدىرماۋعا شاقىرادى.