قازاقستاندا قارۋ-جاراق ساتىپ الۋ جانە ساقتاۋعا قاتىستى ءىس كوبەيگەن
قاڭتاردان شىلدەگە دەيىن قازاقستاندا قارۋدى، وق- دارىلەردى، جارىلعىش زاتتار مەن جارىلعىش قۇرىلعىلاردى زاڭسىز ساتىپ الۋعا، بەرۋگە، وتكىزۋگە، ساقتاۋعا، تاسىمالداۋعا نەمەسە الىپ جۇرۋگە بايلانىستى 874 قىلمىستىق قۇقىقبۇزۋشىلىق تىركەلگەن.
قارۋ- جاراق پەن وق-دارىلەردى ۇرلاۋ جانە بوپسالاۋ جاعدايلارى بويىنشا 13 ءىس تىركەلگەن. قارۋ ساقتاۋ ارقىلى ءورت قاۋىپسىزدىگى زاڭبۇزۋشىلىقتارى بويىنشا - 63 ءىس (28,6 پايىزعا ءوسۋ).
بۇل رەتتە 2021 -جىلدىڭ باسىنان باستاپ قارۋدى، وق- دارىلەردى جانە جارىلعىش زاتتاردى كۇزەتۋ جونىندەگى مىندەتتەردى تيىسىنشە ورىنداماۋ جاعدايلارى تىركەلگەن جوق.
الماتىدا قارۋ- جاراق پەن وق-دارىلەردى ساتىپ الۋعا جانە ساقتاۋعا بايلانىستى ىستەردىڭ باسىم بولىگى تىركەلگەن - 140 جاعداي، بىلتىرعىمەن سالىستىرعاندا 2,1 ەسە كوپ. كوشباسشىلار قاتارىندا شىعىس قازاقستان وبلىسى دا بار.
نۇر-سۇلتاندا سەكتورداعى ءورت قاۋىپسىزدىگى تالاپتارى ءجيى بۇزىلعان: جىل باسىنان بەرى 18 جاعداي - ءبىر جىل بۇرىنعىعا قاراعاندا 80 پايىزعا كوپ. سونداي- اق، سولتۇستىك قازاقستان (9 جاعداي)، اقتوبە جانە اتىراۋ وبلىستارىندا ء(ار وڭىردە 6 جاعداي بويىنشا) زاڭبۇزۋشىلىقتار بايقالعان.
