13:06, 13 - قىركۇيەك 2021 | GMT +5
بەلارۋستە كارتوپ ەسكەرتكىشى جۇرتتى كۇلكىگە قارىق قىلدى
نۇر-سۇلتان. قازاقپارات – بەلارۋستىڭ ۋزدەنسك اۋدانىندا كارتوپ ەسكەرتكىشى ورناتىلدى.
ول جەلى قولدانۋشىلارىنىڭ كۇلكىسىن كەلتىردى، - دەپ حابارلايدى Lenta.
ەسكەرتكىشتىڭ سۋرەتى بەلارۋستىك Zerkalo پورتالىندا پايدا بولدى. مۇسىندە ءبىر سەبەت كارتوپ بەينەلەنگەن، ول بيىك تۇعىرعا قويىلعان. وندا كارتوپ ەلدە XVII عاسىردا پايدا بولعانى جازىلعان.
«ۆكونتاكتە» قولدانۋشىلارى ەسكەرتكىشتىڭ ءپىشىنى تۋرالى ازىلدەپ جاتىر. كوممەنتاتورلاردىڭ ءبىرى ءمۇسىن وعان «كين- دزا- دزا» فيلمىندەگى عاجايىپ پەپەلاتس ۇشاعىن ەسكە تۇسىرگەنىن جازدى. تاعى ءبىر قولدانۋشى «بۇل «سۋرەتشى« بۇرىن كارتوپ سەبەتىن كورگەن بە؟» دەپ سۇرادى. كارتوپ سەبەتتە تۇرىپ ءشىرىپ، ءبىر-بىرىنە جابىسىپ قالعان دەپ ازىلدەگەندەر دە بولدى.
