09:21, 13 - قىركۇيەك 2021 | GMT +5
اۋعانستان ۋنيۆەرسيتەتتەرىندە ەرلەر مەن ايەلدەر بولەك وقيدى
كابۋل. قازاقپارات - تامىز ايىنىڭ سوڭىندا «تاليبان» راديكالدى يسلام قوزعالىسىنىڭ باسشىلىعى تاعايىنداعان اۋعانستاننىڭ جوعارى ءبىلىم ءمينيسترىنىڭ مىندەتىن اتقارۋشى ابدۋل باكي حاككاني جەكسەنبى كۇنى كابۋلداعى باسپا ءسوز ءماسليحاتىندا ەلدىڭ جوعارى وقۋ ورىندارىنا ارنالعان قاعيدالاردى جاريالادى، دەپ حابارلايدى قازاقپارات DW- عا سىلتەمە جاساپ.
وسى قۇجاتقا سايكەس، اۋعان ۋنيۆەرسيتەتتەرىندە ەرلەر مەن ايەلدەر بولەك وقيدى. بۇل جاعدايدا ستۋدەنت قىزدارعا ساباقتى نەگىزىنەن ايەلدەر جۇرگىزۋى ءتيىس. ايەلدەر اۋديتورياسىنا ەر مۇعالىمدەردىڭ ساباقا بەرۋىنە رۇقسات ەتىلەدى، تەك ولار شاريعات زاڭدارىن ۇستانۋى ءتيىس.
«بىرلەسكەن وقىتۋ (ەرلەر مەن ايەلدەر. - رەد.) يسلام قاعيدالارىنا قايشى كەلەدى. ەكىنشى جاعىنان، ول اۋعانداردىڭ ۇلتتىق قۇندىلىعى مەن داستۇرىنەن الشاقتايدى»، - دەدى حاككاني.
ول سونداي- اق ج و و- دا ءبىلىم الاتىنداردىڭ كيىم كيۋىندە قاتاڭ ەرەجەلەردى ساقتاۋى ءتيىس ەكەنىن حابارلادى. سونىمەن، ايەلدەر حيدجاب كيۋگە مىندەتتى. سونىمەن قاتار، ۋنيۆەرسيتەتتەردە وقىتىلاتىن پاندەر دە قايتا قارالادى دەپ وتىر.
