باسپانا باعاسى ارزانداي ما؟
زەينەتاقى قورىنداعى قارجىنى پايدالانۋ قۇقىعى بەرىلگەن بويدا، باعا بىردەن 10-12 پروتسەنتكە ءوستى. كەي وڭىرلەردە ءتىپتى 20 پايىزعا جوعارىلادى. قورداعى قارجىنىڭ 1,8 تىريلليون تەڭگەسى وسى ماقساتقا جۇمسالدى.
اندرەي چەبوتاريەۆ، ەكونوميست:
- باعا وسىمىنە بۇكىل الەمدىك قارجى داعدارىسى عانا كەدەرگى كەلتىرۋى مۇمكىن. ەكونوميستەر 2-3 جىلدان كەيىن جاھاندىق ەكونوميكا السىرەيدى، سايكەسىنشە احۋال قيىندايدى دەپ بولجاپ وتىر. ءبارى كوروناۆيرۋس پاندەمياسىنا بايلانىستى. داعدارىس بولىپ، اقشا اينالىمى ازايسا، باعا تۇسەدى. سوڭعى رەت مۇنداي جاعداي 2008 -جىلى بولدى. ال داعدارىستىڭ قايتالانۋىن تىلەۋ كىمگە دە بولسىن قاجەت ەمەس.
ايتا كەتەيىك، ۇكىمەت وكىلدەرىنىڭ بولجامى ازىرگە ورىندالماي وتىر. جاز ايلارىندا يندۋستريا جانە ينفراقۇرىلىمدىق دامۋ مينيسترلىگى كۇزگە قاراي نارىقتاعى جاعداي تولىق تۇراقتالادى دەگەن ەدى. ءتىپتى ارزانداۋى مۇمكىن ەكەنىن العا تارتقان.
الينا بۋراۆتسيەۆا، باسپانا ساتۋ سايتىنىڭ ساراپشىسى:
- باعانى تۇسىرەتىن فاكتورلاردى كورىپ تۇرعانىم جوق. يپوتەكا بەرۋ جالعاسىپ جاتىر. سۇرانىس بولعان جەردە، سولاي بولادى. «وتباسى بانكى» دە قارقىنىن ارتتىرىپ كەلەدى. مەملەكەت جەڭىلدەتىلگەن شارتپەن يپوتەكا ۇسىنىپ جاتىر. ءبىر عانا ءۇمىت - بۇرىنعى قارقىنمەن قىمباتتاۋ توقتايدى.
جىل باسىندا باسپانا بىردەن 12 پروتسەنتكە قىمباتتاسا، قازىرگى قارقىن تومەن. تامىز ايىنىڭ قورىتىندىسى بويىنشا باعا تەك 2 پروتسەنتكە وسكەن.
الينا بۋراۆتسيەۆا، باسپانا ساتۋ سايتىنىڭ ساراپشىسى:
- كەلىسىمشارتتار قۇنى دا كوبىنە وزگەرىسسىز قالادى. مۇلىكتى ساتۋشىلار باعانى تۇسىرۋگە قۇلىقسىز. بار بولعانى 1-2 پروتسەنتكە تومەندەتەدى. ودان ارتىققا بارمايدى.
وسىدان- اق، نارىقتاعى جاعدايدى، ياكي سۇرانىستىڭ جوعارى ەكەنىن بايقاي بەرىڭىز. ريەلتورلاردىڭ ايتۋىنشا، ءۇي ارزاندايدى دەۋ قيسىنسىز. كەرىسىنشە، سۇرانىسقا ساي ول وسە بەرەدى. تاياۋدا پرەزيدەنت كەزەكتە تۇرعاندارعا «وتباسى بانك» ارقىلى 2 جانە 5 پروتسەنتتىك يپوتەكالىق نەسيە بەرۋدى تاپسىرعان. بۇل مەحانيزم جۇمىس ىستەي باستاسا، باعا تاعى شارىقتاي ءتۇسۋى ابدەن مۇمكىن.
اۆتورى: راۋان مىڭبايەۆ
www.24.kz
