اۋعانستاندا حالىق تالىپتەرگە قارسى شەرۋگە شىقتى

نۇر-سۇلتان.قازاقپارات - اۋعانستاننىڭ وزىندە دە جۇزدەگەن ادام كوشەگە شىعىپ، تالىپتەردىڭ بيلىگىنە قارسى نارازىلىق ءبىلدىردى. تالىپتەر شەرۋدى كۇشتەپ تاراتتى.

جەرگىلىكتى تەلەارنانىڭ ءبىر ءتىلشىسى جاراقات الىپ، ونىڭ وپەراتورى سوققىعا جىعىلعان.

تاگي داريابي، جۋرناليست:

- تاليباننىڭ ون شاقتى جاساقشىسى مەنى بولمەگە كىرگىزىپ، تاياققا جىقتى. قولداعى بار زاتپەن ۇرعان. تالىپ قالدىم، ەس جيعاندا قاسىمدا ءوز ارىپتەستەرىمدى كوردىم.

تالىپتەر بيلىككە كەلگەلى اۋعانستان ايەلدەرى ءزابىر كورە باستاعانىن ايتىپ وتىر. مەملەكەتتىك مەكەمەلەر مەن ساۋدا ۇيىمدارىندا جۇمىس ىستەيتىن قىز- كەلىنشەكتەر قىزمەتىن جالعاستىرا الماي ءناپاقاسىنان ايىرىلدى. وسىعان وراي وتكەن اپتادا اۋعان ايەلدەرى بىرنەشە قالادا كوشەگە شىقتى.

قولدارىنا پلاكات ۇستاپ، ۇرانداتقان بەلسەندىلەر، ايەلدەرگە جۇمىس ىستەۋ قۇقىعىن بەرۋ مەن قىز- كەلىنشەكتەردى جاڭا ۇكىمەت قۇرامىنا قوسۋدى تالاپ ەتتى. ولاردى تاراتۋ ءۇشىن تالىپتەر اۋەگە وق اتىپ، كوز اشىتاتىن گاز شاشتى.

*

ەسكە سالا كەتسەك، تاليبان ۇيىمىنا قازاقستانداعى جوعارعى سوتتىڭ 2005 -جىلعى 15 ناۋرىزداعى شەشىمىمەن تىيىم سالىنعان.

www.24.kz