ءتىستى كىمدەر تەگىن ەمدەتە الادى؟
ول ءۇشىن مەملەكەت ەسەبىنەن جەڭىلدىك العان ازاماتتار قاتارىندا بولساڭىز بولعانى. ستوماتولوگيالىق قىزمەتكە جۇگىنۋ ءۇشىن الدىمەن قايدا بارۋ كەرەك؟
ءتىس اۋىرسا، الىپ ۇشىپ اقىلى ەمحانالارعا جۇگىرەتىندەر بار. ونى ەمدەتۋدىڭ قاي ءتۇرى بولماسىن قالتاڭا سالماق سالادى. الايدا قازىر بەلگىلى ءبىر ساناتتاعى ادامدارعا ستوماتولوگيالىق قىزمەتتەر تەگىن. تەك اقپاراتقا قانىق بولعان ابزال. مەملەكەت ەسەبىنەن جەڭىلدىك العان ادام بولساڭىز، بۇل ەم- شارانىڭ بارلىعى م ءا م س اياسىندا اقىسىز جاسالادى. جارىمجان بالا ءوسىرىپ وتىرعان جۇمىسسىز جاندار دا وسى كومەكتى تەگىن الا الادى.
نۇرلىبەك قابدىقاپاروۆ، «الەۋمەتتىك مەديتسينالىق ساقتاندىرۋ قورى» قالالىق فيليالىنىڭ ديرەكتورى:
- بىزدە م ءا م س قالالىق فيليالى ەلوردادا 36 ەمدەۋ مەكەمەسى بولاتىن بولسا، سولاردىڭ بارلىعىمەن كەلىسىمشارت جاساپ، قاداعالاپ وتىرامىز. وسى ءبىر جىلدان اسا وسى ستوماتولوگيالىق كومەكتىڭ ءبارى مەديتسينالىق العاشقى مەدكومەك جاسايتىن ەمحانالار قوسالقى كەلىسىمشارت ارقىلى كومەك جاسايدى. ەمدەۋ ەمحانالارى سول ستوماتولوگيامەن جۇمىس ىستەيدى.
ەلىمىزدە ەرەسەكتەرمەن قاتار بالالار اراسىندا دا ءتىس جەگىسى مەن ونىڭ اسقىنعان ءتۇرى وتە كوپ كەزدەسەدى دەيدى ماماندار. بۇل ەڭ اۋەلى اۋىز قۋىسىن دۇرىس كۇتپەگەننەن بولادى. جۇمساق تاعامنىڭ دا اسەرى بار. ءتىس قۇرتىنىڭ الدىن الماسا، بۋىنى بەكىمەگەن بالانىڭ جاق سۇيەگىنە دەيىن قيسايىپ، ءتىسى وسپەي قالۋى مۇمكىن كورىنەدى. سوندىقتان ءتىس اۋىرعان بويدا جەرگىلىكتى تىركەلگەن ەمحاناعا بارىپ، دارىگەردەن ستوماتولوگياعا جولداما الۋ قاجەت. جۇكتى ايەلدەر مەن 18 جاسقا تولماعان بالالارعا بۇل قىزمەتتىڭ بارلىق ءتۇرى اقىسىز. مەديتسينالىق ساقتاندىرۋدا ارنايى ءۇش پاكەت قاراستىرىلعان.
جانار قازىبەك قىزى، قالالىق شتاتتان تىس باس ءتىس دارىگەرى:
- ءوزىنىڭ تىركەلگەن ەمحاناسى بويىنشا بارىپ دارىگەرىنەن جولداما الادى. قازىر كارانتينگە بايلانىستى سول ستوماتولوگياعا جازىلادى. پروفيلاكتيكالىق جۇمىس وتە ماڭىزدى. سوندىقتان جارتى جىلدا ءبىر رەت ءتىس دارىگەرگە كورىنۋ كەرەك. ءتىسى تازا، ساۋ ادامنىڭ - دەنى ساۋ. بالالاردىڭ ءتىسىن 2 جاستان باستاپ، كۇتۋ كەرەك. اۋرۋدىڭ الدىن الۋ ماقساتىندا ەمحانادا رەمتەراپيا جاساتۋعا بولادى ەكەن. ياعني، مينەرالدىق لاكپەن قاپتاتسا بولادى. ال شۇعىل تۇردە ەم قاجەت بولعان جاعدايدا مەديتسينالىق ساقتاندىرۋ پاكەتى بويىنشا ناۋقاسقا تالون بەرىلەدى.
