13:38, 11 - قىركۇيەك 2021 | GMT +5
اۋعانستانعا اشتىق قاۋپى ءتونىپ تۇر
نۇر- سۇلتان. قازاقپارات - اۋعانستانداعى حالىقتىڭ 90 پروتسەنتىنەن استامى تاماققا ءزارۋ. ب ۇ ۇ دۇنيەجۇزىلىك ازىق- تۇلىك باعدارلاماسىنىڭ مالىمەتى وسىنداي. دەرەك بويىنشا بۇل ەلدە ءار ەكىنشى بالا تويىپ تاماق ىشپەيدى.
ويتكەنى تالىپتەر بيلىكتى قولعا العالى اۋعانستاندا ەكونوميكالىق داعدارىس ورنادى. بۇرىن دا كومەككە ءزارۋ ەلگە قازىر كوپتەگەن مەملەكەت جانە ۇيىمدار كومەك كورسەتۋدەن باس تارتىپ، ۆاليۋتا قورىن بۇعاتتاپ تاستادى. ەندى ميلليونداعان ادامعا اشارشىلىق قاۋپى ءتونىپ تۇر. ونىڭ ۇستىنە بيىل ەلدە قۋاڭشىلىق بولىپ، ەگىستىڭ 40 پروتسەنتى كۇيىپ كەتكەن.
انتەيا ۋەبب، دۇنيەجۇزىلىك ازىق- تۇلىك باعدارلاماسى ازيا- تىنىق مۇحيتى ءوڭىرىنىڭ ايماقتىق ديرەكتورىنىڭ ورىنباسارى:
- ەلدىڭ باسىم بولىگى ازىق- تۇلىك يمپورتىنا تاۋەلدى. اسىرەسە بيداي ۇنى مەن نانعا. ال ۆاليۋتا قورى بولسا بۇعاتتا تۇر. مەملەكەتتىك بيۋدجەت تاپشىلىقتان تۇرالاپ قالعان. بانكتەر ازاماتتارعا قولما- قول اقشا بەرۋدى توقتاتقان. ازىق- تۇلىك پەن جانارماي باعاسى بولسا قىمباتتاپ جاتىر.
www.24.kz
