19:20, 10 - قىركۇيەك 2021 | GMT +5
اۋعانستاننان كەلگەن قانداستاردىڭ ەشقايسىنان كوروناۆيرۋس تابىلعان جوق
الماتى. قازاقپارات - قازاقستانعا اۋعانستاننان كەلگەن قانداستاردىڭ پ ت ر سىناماسى وڭ ناتيجە كورسەتكەن جوق، دەپ حابارلايدى قازاقپارات ءتىلشىسى.
بۇل تۋرالى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى ءمالىم ەتتى.
«كەلگەن 40 ادامنىڭ 36 سى پ ت ر تەست تاپسىردى. تالداۋ ناتيجەسى بەلگىلى بولدى. ەشكىمنەن كوروناۆيرۋس انىقتالعان جوق. بارلىعى تەرىس»، - دەدى الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى ءسادۋاقاس بايعابىلوۆ.
ايتا كەتەيىك، كەشە، 9- قىركۇيەك كۇنى قازاقستان پرەزيدەنتى قاسىم-جومارت توقايەۆتىڭ تاپسىرماسىنا سايكەس اۋعانستاننان 35 قانداس تاريحي وتانىنا ورالدى.
