تۇركىستان وبلىسىنىڭ «جاسىل» ايماقتان شىقپاۋىنىڭ قۇپياسى نەدە
ورتالىق كوممۋنيكاتسيالار قىزمەتىندە تۇركىستان وبلىسى قوعامدىق دەنساۋلىق باسقارماسىنىڭ باسشىسى مارات پاشيموۆقا وسىنداي سۇراق قويىلدى، دەپ حابارلايدى قازاقپارات ءتىلشىسى.
«ءيا، بۇل سۇراق بارىنە قىزىق. ءسىز عانا ەمەس، ءمينيسترىمىز دە ۇنەمى سۇرايدى. تۇركىستان وبلىسى 15 - تامىزدان بەرى «جاسىل» ايماقتا ەكەنىن ايتتىم. بىرىنشىدەن، بىزدە ۆاكسيناتسيا دەڭگەيى وتە جوعارى. ەكىنشىدەن، ەشكىم ەشكىمنەن ەشتەڭە جاسىرىپ وتىرعان جوق. بىرنەشە رەت كوميسسيا كەلىپ تەكسەرگەن بولاتىن. سول كەزدە دە ەشكىم ەشقانداي دەرەكتى بۇركەمەلەپ وتىرماعانى دالەلدەنگەن. ودان كەيىن بىزدە حالىقتىڭ تىعىز قونىستانۋى باسىمدىق بولىپ تۇر قازىر. وزگە وڭىرلەردە حالىق قالالاردا تىعىز شوعىرلانعان بولسا، بىزدە اۋىلدى ەلدى مەكەندەردە حالىق كوبىرەك قونىستانعان»، - دەدى باسقارما باسشىسى.
سونداي- اق ول، ەپيداۋحالدى وبلىس باسشىلىعىنىڭ تىكەلەي باقىلاۋدا ۇستاۋى دا ءتارتىپتىڭ بوساڭسىماۋىنا سەبەپ بولىپ تۇرعانىن جەتكىزدى.
«سانيتارلىق نورمانىڭ ءبارىن ساقتاۋ، باس سانيتار دارىگەردىڭ قاۋلىلارىن ورىنداۋ دا وڭ اسەر ەتەدى. ويتكەنى وبلىس اكىمى ءبارىن جەكە باقىلاۋىندا ۇستاپ وتىر. اپتا سايىن شتاب كەڭەسى وتەدى. ءار شتاب جيىنىندا باس سانيتار دارىگەر ەكەۋىمىز ەپيداحۋال تۋرالى بايانداپ وتىرامىز. اكىم موبيلدى توپتاردىڭ جۇمىسىن دا تىكەلەي قاداعالايدى. بۇل ءبارىمىزدىڭ ورتاق ىسكە جۇمىلىپ كىرىسۋىمىزدەن دەپ ويلايمىن. ارينە، حالىقتىڭ جاۋاپكەرشىلىكتى، ءبارى ادامعا بايلانىستى ەكەنىن ءتۇسىنۋى دە ماڭىزدى. اركىم وزىنەن باستاۋى كەرەك. سانيتارلىق نورمالاردى، ۆاكسيناتسيا جانە الەۋمەتتىك قاشىقتىقتى ساقتاۋ كەرەك»، - دەگەن ۆەدومستۆو باسشىسى وبلىستا پ ت ر- تەست كورسەتكىشى دە جوعارى ەكەنىن ايتتى.
«ال پ ت ر تەست سىناماسىنىڭ سانىنا كەلسەك، رەسپۋبليكا بويىنشا 3-4 مىڭ تەست جۇرگىزىلسە، ءبىز بۇل كورسەتكىش بويىنشا ەڭ كوپ تەست الاتىن وڭىرلەردىڭ قاتارىندامىز. پ ت ر تەستىنى وڭدى- سولدى الىپ جاتقان جوقپىز. بەلگىلى ءبىر ساناتتاردان الامىز. ونىڭ ءبارى باس سانيتاردىڭ قاۋلىسىمەن رەتتەلەدى»، - دەدى مارات پاشيموۆ.
اۆتور: ەسىمجان ناقتىباي
