بالالارعا ارنالعان ۆاكسينا جاقىندا قولدانىسقا بەرىلەدى
بۇل تۋرالى Der Spiegel باسىلىمىنا جۇما كۇنى BioNTech مەديتسينالىق زەرتتەۋلەر جونىندەگى ديرەكتورى وزلەم تيۋرەچي ءمالىم ەتتى، دەپ حابارلايدى قازاقپارات تاسس اگەنتتىگىنە سىلتەمە جاساپ. «جاقىن اپتالاردا ءبىز 5-11 جاس ارالىعىنداعى بالالارعا جۇرگىزىلگەن زەرتتەۋ ناتيجەسىن الەم بيلىگىنە ۇسىنامىز، سونىمەن قاتار وسى جاس ساناتى ءۇشىن ۆاكسينانى ماقۇلداۋعا ءوتىنىش بەرەمىز. اتاپ ايتقاندا، ەۋروپادا، - دەدى تيۋرەچي. - ءبىز قازىردىڭ وزىندە وندىرىسكە دايىندالىپ جاتىرمىز».
وعان قوسا، تيۋرەچي پرەپاراتتىڭ ەرەسەكتەرگە ارنالعان تۇرىنەن ەش ايىرماسى جوق ەكەنىن، تەك بالالارعا ارنالعان ۆاكسينا دوزاسىنىڭ كىشكەنتاي بولاتىنىن اتاپ ءوتتى. ءوز كەزەگىندە BioNTech- ءتىڭ ورتاق قۇرىلتايشىسى، باس ديرەكتورى ۋگۋر شاحين قازىرگى كەزدە زەرتتەۋ ناتيجەسىنىڭ دايىن ەكەنىن جانە بيلىكتىڭ بەكىتۋى ءۇشىن قادام جاساۋ كەرەك ەكەنىن مالىمدەدى.
«ءبارى جوسپارلاعانىمىزداي كەلە جاتىر»، - دەدى شاحين.
سونىمەن قاتار ول جىلدىڭ سوڭىندا التى ايدان اسقان بالالار اراسىنداعى زەرتتەۋلەر ناتيجەسى دايىن بولاتىنى ايتىلدى. مامىردىڭ سوڭىندا ەۋروپا ءدارى- دارمەك اگەنتتىگى Pfizer مەن BioNTech بىرىگىپ وندىرگەن كوروناۆيرۋسقا قارسى Comirnaty ۆاكسيناسىن 12-15 جاسار جاسوسپىرىمدەر اراسىندا پايدالانۋعا رۇقسات بەردى. وسىلايشا، بۇل پرەپارات - وسى جاس ساناتىنداعى ادامدار اراسىندا قولدانۋعا رۇقسات ەتىلگەن كوروناۆيرۋسقا قارسى ءبىرىنشى ۆاكسينا بولىپ وتىر.
اۆتور: ءبيبىحان سەرىكوۆا
