قازاقستان ازىق- تۇلىك قاۋىپسىزدىگى جونىندەگى يسلام ۇيىمىنا ءتوراعالىقتى قابىلدادى
ءىس- شارا «پوست- پاندەميالىق الەمدەگى يسلام ىنتىماقتاستىعى ۇيىمىنىڭ ازىق- تۇلىك جۇيەلەرى» تاقىرىبىمەن ونلاين فورماتتا ۇيىمداستىرىلدى. قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ يسلام الەمى ءۇشىن ازىق- تۇلىك قاۋىپسىزدىگى جونىندەگى يسلام ۇيىمىنىڭ ماڭىزدىلىعىن بىرنەشە رەت اتاپ وتكەن بولاتىن.
باس اسسامبلەيا قاتىسۋشىلارىنا ارناعان العى سوزىندە مەملەكەت باسشىسى كوروناۆيرۋس پاندەمياسى جانە جاھاندىق كليماتتىڭ وزگەرۋى جاعدايىندا ازىق- تۇلىك قاۋىپسىزدىگى جونىندەگى ۇيىمنىڭ ءرولى دە ەرەكشە ارتقانىن اتاپ ءوتىپ، قاتىسۋشى ەلدەردى يسلام ىنتىماقتاستىعى ۇيىمىنىڭ (ي ى ۇ) ازىق- تۇلىك قاۋىپسىزدىگى رەزەرۆتەرىن جانە استىق قورىن قۇرۋ جونىندەگى باستاماسىن قولداۋعا شاقىردى.
«قازاقستان يسلام ىنتىماقتاستىعى ۇيىمىنىڭ بەلسەندى جانە جاۋاپتى مۇشەسى. سونداي- اق، شەتەلگە 7 ميلليون تونناعا دەيىن بيداي ەكسپورتتاي وتىرىپ، ازىق- تۇلىك بيدايى مەن ۇندى ەكسپورتتاۋشى ءىرى وندىققا كىرەدى. جىل سايىن قازاقستان كومەككە مۇقتاج ي ى ۇ- نا مۇشە ەلدەرگە گۋمانيتارلىق كومەك رەتىندە بيداي مەن ۇن جىبەرەدى. ءبىزدىڭ تاجىريبەمىز تۇراقتى تۇردە ءوسىپ كەلە جاتقان يسلام الەمىندەگى ازىق - تۇلىك قاۋىپسىزدىگى ماسەلەلەرىن شەشۋدە پايدالى بولاتىنىنا سەنىمدىمىن»، - دەلىنگەن مەملەكەت باسشىسىنىڭ باس اسسامبلەيا قاتىسۋشىلارىنا ارنالعان حاتىندا.
شارا بارىسىندا تۇركيا رەسپۋبليكاسى ازىق- تۇلىك قاۋىپسىزدىگى جونىندەگى يسلام ۇيىمىنا ءتوراعالىقتى قازاقستانعا ءبىر جىل مەرزىمگە بەردى. اۋىل شارۋاشىلىعى ءمينيسترى ەربول قاراشوكەيەۆ ءوز سوزىندە ي ى ۇ ازىق- تۇلىك جۇيەسىن دامىتۋ، بەكىتىلگەن باعدارلامالاردى ىسكە اسىرۋدىڭ ساپالى دەڭگەيىن قامتاماسىز ەتۋ، ۇيىمنىڭ گۋمانيتارلىق باعدارلامالارى، كليماتتىڭ وزگەرۋىنە بايلانىستى تاۋەكەلدەر، اۋىل شارۋاشىلىعىنداعى سۋ رەسۋرستارىن ءتيىمدى پايدالانۋ ماسەلەلەرى سياقتى اسپەكتىلەردىڭ ماڭىزدىلىعىن اتاپ ءوتىپ، قازاقستاننىڭ الداعى ءتوراعالىق ەتۋ كەزەڭىندە بەرىلگەن باعىتتار تۇراقتى جالعاستىرىلاتىنان جەتكىزدى.
«قازاقستاندا 200 ميلليون گەكتاردان استام اۋىل شارۋاشىلىعى جەرى بار، بۇل الەمدىك رەسۋرستاردىڭ %4 ىن، جايىلىمدىق رەسۋرستاردىڭ 180 ميلليون گەكتاردان استامىن قۇرايدى. قازاقستان يسلام ىنتىماقتاستىعى ۇيىمىنىڭ بەلسەندى ءارى جاۋاپتى جانە ەكولوگيالىق تازا اگرارلىق ءونىمنىڭ ءىرى وندىرۋشىلەرى مەن ەكسپورتتاۋشىلارىنىڭ ءبىرى بولا وتىرىپ، ي ى ۇ كەڭىستىگىندە ازىق- تۇلىك قاۋىپسىزدىگى ماسەلەلەرىن شەشۋگە ءوز ۇلەسىن قوسۋعا دايىن»، - دەپ اتاپ ءوتتى ە. قاراشوكەيەۆ.
ءتورتىنشى باس اسسامبلەيانىڭ قورىتىندىسى بويىنشا ازىق- تۇلىك قاۋىپسىزدىگى جونىندەگى يسلام ۇيىمى 2031 قارارلارى مەن ستراتەگيالىق جوسپارى بەكىتىلدى. وعان سايكەس 16 باعدارلامانى جۇزەگە اسىرۋ ارقىلى 5 نەگىزگى باعىت: باسقارۋ، ازىق- تۇلىك داعدارىسىنا دەن قويۋ، الەۋەتتى ارتتىرۋ، يندۋستريانى دامىتۋ جانە رەسۋرستاردى جۇمىلدىرۋدى ودان ءارى دامىتۋ جانە كۇشەيتۋ جوسپارلانعان. تاياۋداعى 10 جىلعا ارنالعان نەگىزگى ماقساتتاردىڭ قاتارىندا - داعدارىس جاعدايلارىندا ي ى ۇ ەلدەرىن قولداۋ ءۇشىن ازىق- تۇلىك قاۋىپسىزدىگىنىڭ رەزەرۆتەرىن جانە گۋمانيتارلىق ازىق- تۇلىك كومەگى جونىندەگى باعدارلامالاردى قۇرۋ، اگرارلىق ازىق- تۇلىك ونەركاسىبىنىڭ باسەكەگە قابىلەتتىلىگىن ارتتىرۋ، ارنايى جوبالار مەن ينۆەستيتسيالاردى قولداۋ ءۇشىن قارجىلىق ىنتىماقتاستىققا جاردەمدەسۋ، بيو جانە اگروتەحنولوگيالاردى دامىتۋ، كليماتقا اسەر ەتۋ، گەندىك بانكتەردى دامىتۋ جانە «حالال» تاماق ونىمدەرىنىڭ ەكوجۇيەسى سياقتى اسپەكتىلەردى قامتيتىن قاتىسۋشى ەلدەردىڭ الەۋەتىن دامىتۋ ءۇشىن تەحنيكالىق تاجىريبەنى بەرۋ قاراستىرىلعان.
ءىس- شاراعا ازىق- تۇلىك قاۋىپسىزدىگى جونىندەگى يسلام ۇيىمىنا مۇشە 36 مەملەكەت جانە يسلام ىنتىماقتاستىعى ۇيىمىنىڭ 56 ەلىنەن جالپى 150 دەن استام قاتىسۋشى قاتىستى. ولاردىڭ قۇرامىندا اۋىل شارۋاشىلىعى مينيسترلەرى، حالىقارالىق ۇيىمداردىڭ، ي ى ۇ جانە ونىڭ ينستيتۋتتارىنىڭ وكىلدەرى، سونداي- اق قاتىسۋشى ەلدەردەگى ازىق- تۇلىك قاۋىپسىزدىگى ماسەلەلەرىنە جەتەكشىلىك ەتەتىن باسقا دا جوعارى لاۋازىمدى تۇلعالار بولدى.
