قازاقستان قاشان كومىردەن تولىق باس تارتادى - ەكولوگيا مينيسترلىگى جاۋاپ بەردى

نۇر- سۇلتان. قازاقپارات - ق ر ەكولوگيا، گەولوگيا جانە تابيعي رەسۋرستار ۆيتسە- ءمينيسترى احمەتجان ءپىرىمقۇلوۆ قازاقستان قاشان كومىردەن تولىق باس تارتاتىندىعىن ايتتى، دەپ حابارلايدى قازاقپارات ءتىلشىسى.

«پاريج كەلىسىمى مىندەتتەمەلەرىن جۇزەگە اسىرۋ جانە 2060 -جىلعا قاراي «نولدىك» شىعارىندىلارعا قول جەتكىزۋ ءۇشىن قازاقستاننىڭ كومەرتەكتەن بەيتاراپتىعى تۇجىرىمداماسىن ازىرلەۋ جۇمىسى اياقتالادى. قازاقستان شىعارىندىلاردىڭ نولدىك بالانىسىنا قول جەتكىزۋى ءۇشىن ايتارلىقتاي وزگەرىستەر جاساۋى، جاڭارتىلاتىن ەنەرگيا كوزدەرىن قولدانۋىن كەڭەيتۋى، ەنەرگيا تيىمدىلىگىن ارتتىرۋى جانە بيووتىن مەن سۋتەككە كوشۋى قاجەت»، - دەدى ۆيتسە- مينيستر ۆەدومستۆونىڭ كەڭەيتىلگەن القا ءماجىلىسى بارىسىندا.

ونىڭ اتاپ وتۋىنشە، تۇجىرىمداما ناتيجەلەرى گاز مەن مۇناي ونىمدەرىن تومەندەتۋ قاجەتتىگىن جنە 2060 -جىلعا قاراي كومىردەن تولىقتاي دەرلىك باس تارتۋ قاجەتتىگىن كورسەتتى.

«تۇجىرىمداما بيىل گلازگودا وتەتىن كليمات جونىندەگى تاراپتاردىڭ 26-كونفەرەنسياسىندا ۇسىنىلاتىن بولادى»، - دەدى احمەتجان ءپىرىمقۇلوۆ.