تالدىقورعان- وسكەمەن ۋچاسكەسىندە قۇرىلىس جۇمىستارى اياقتالادى
بۇل تۋرالى ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك كاماليەۆ ايتتى، دەپ حابارلايدى قازاقپارات ءتىلشىسى.
«جىل قورىتىندىسىندا ورتالىق ازيا رەسپۋبليكالارىن رەسەي فەدەراتسياسىنىڭ شىعىس سىبىرىمەن، سونداي- اق، قازاقستاننىڭ وڭتۇستىك جانە شىعىس وڭىرلەرىن بايلانىستىراتىن حالىقارالىق ترانزيتتىك ءدالىز تالدىقورعان- وسكەمەن ۋچاسكەسىن رەكونسترۋكسيالاۋ بويىنشا نەگىزگى جۇمىستاردى اياقتاۋدى جوسپارلاپ وتىرمىز»، - دەدى بەرىك كاماليەۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
سونداي- اق، ۆيسە- مينيستر ءۇشارال- دوستىق اۆتوجولى رەكونسترۋكسيالانىپ جاتقانىن ايتتى. «بيىل قوزعالىس اشۋدى، ال كەلەسى جىلى تولىقتاي اياقتاۋدى كوزدەپ وتىرمىز. اتالعان اۆتوجول الاكول كولىنىڭ تۋريستىك كلاستەرىن دامىتۋ ءۇشىن ۇلكەن ماڭىزعا يە»، - دەدى ول.
اۆتور: مارلان جيەمباي
